Ìn-tō͘ Kok-bîn Gī-hōe
Ìn-tō͘ Kok-bîn Gī-hōe (Eng-gí: Indian National Congress), kán-siá INC, mā-ū kóng Gī-hōe Tóng (Congress Party), sī Ìn-tō͘ ê chú-iàu chèng-tóng, 1885 nî chhòng-li̍p, sī Ìn-tō͘ To̍k-li̍p Ūn-tōng ê niá-chhōa-chiá. 1947 nî liáu-āu, INC hō͘ Nehru-Gandhi ka-cho̍k chi-phòe, jî-chhiáⁿ pìⁿ-chòe Ìn-tō͘ ê chip-chèng-tóng.
INC sī Thôan-kiat Chìn-pō͘ Liân-bêng (United Progressive Alliance) ê sêng-ôan, tùi 2022 nî khai-sí ê chú-se̍k sī Mallikarjun Kharge. Tī tē-14-kài ê Lok Sabha (Ìn-tō͘ ê kok-hōe), INC sī lāi-bīn se̍k-chhù siāng-chē ê chèng-tóng. INC ê lí-liām, sī sè-sio̍k-chú-gī, bîn-chú-siā-hōe-chú-gī, bîn-cho̍k-chú-gī téng-téng.