Ín-jī

Ín-jī (Tek-gí: Zitatwort) sī chi̍t khoán tùi pa̍t khoán giân-gí the̍h lâi sú-iōng tī ín-iōng tiûⁿ-ha̍p ê jī. In ē-tàng sǹg sī chioh-jī chi̍t khoán, m̄-koh tùi bûn-hoat, ho͘-im ia̍h tàu-jī ê hong-bīn lâi kóng, iáu bô kah chāi-lâi giân-gí sio ha̍h.

Pí-lūn tī chi̍t kóa Eng-gí ê ha̍k-su̍t bûn-chiong khó-lêng ē ti̍t-chiap the̍h Hoat-gí ê signifié lâi piáu-ta̍t goân-lâi Ferdinand de Saussure thê-chhut ê giân-gí-ha̍k khài-liām.