Ē-iâⁿ (Ka-lí-khu)

Ē-iâⁿ (下營) sī Tâi-oân Tâi-lâm-chhī Ka-lí-khu lāi ê chi̍t-ê chng-thâu, hêng-chèng-siōng hun Téng-phō͘-lí (頂廍里) kap Ka-ho̍k-lí (嘉福-).

Ē-iâⁿ 下營
—  goân tōa-jī  —
Ē-iâⁿ Ē-iâⁿ tī Tâi-lâm-chhī ê tāi-khài ūi-tì
Keng-hūi-tō͘: 23°10′19″N 120°9′4″E
Koān-chhī	Tâi-lâm-chhī
Hiong-tìn-chhī-khu	Ka-lí-khu

Tē-lí

Ē-iâⁿ só͘-chāi tī Ka-lí chhī-khu ê sai-pak-pêng. Nā chiàu kin-á-ji̍t ê tō-lō͘ lâi hun, Tiong-hàu lō͘ (忠孝路) í pak sī Téng-phō͘-lí koán lāi, in sī goân Téng-phō͘ siā-lí; í lâm tio̍h sio̍k-í Ka-ho̍k-lí, goân tē-hō-miâ sī Ē-phō͘ (下廍).

Le̍k-sú

Ē-iâⁿ tī Tē-sī sî-kî tūn-iâⁿ ê só͘-chāi chi it, tong-sî siat peng-iâⁿ tī Téng-phō͘ Éng-an-kiong āu. Téng-phō͘ ku-bîn khó-lêng sī hit tang-chūn iân-sio̍k lo̍h--lâi. Nā sī Ē-phō͘, sī 1698 nî Lîm Khó-tòng (林可棟) koan tē khí Kim-tông-tiān (金唐殿) liáu-āu chhian ji̍p; Ē-phō lēng-gōa koh ū tùi Tōa-lō͘-bóe (大路尾) soah kòe ê Lîm--sī, Chhit-kó͘ Tok-ka (篤加) chhian kòe ê Khu--sī téng sī-cho̍k.

Pún tē-hng sī 1920 nî só͘ siat ê Ka-lí-chng (1933 nî āu kái Ka-lí-ke) lāi tōa-jī hêng-chèng-khu chi it, chiàu 1939 nî thóng-kè, ū khiā-khí jîn-kháu 2590 lâng.

Kau-thong

• Lâm 26
• Lâm 27
• Lâm 29

Liân-kiat

• Google (2017-06-19). "下營" (Map). Google Maps. Google. 2017-06-19 khòaⁿ--ê.