南島民族，或者講南島語族，是指現在或者原來語言屬佇南島語系兮民族，遮兮族群有包括臺灣所有的原住民族（含平埔族佮高山原住民），閣有徛佇太平洋佮印度洋濟濟島嶼的民族。𪜶分佈兮範圍有臺灣、馬達加斯加、夏威夷佮紐西蘭之間，包含印尼、汶萊，馬來西亞、菲律賓、密克羅尼西亞、玻里尼西亞。佇越南、海南、泰國、新加坡等所在嘛有一寡。
南島語系是全世界語言數量上濟兮語系，攏總有超過1200種兮語言，其中臺灣就占20-30外種（包括一寡已經死去的語言）。
