Thó-lūn:Ka-pi
(Tùi 咖啡 choán--lâi)
咖啡
siu-kái
咖啡的歷史
siu-kái咖啡上早是出產佇衣索匹亞(Ethiopia)西南方的咖法省(Kaffa)懸坪地區，有一種傳說講，原本有一个顧羊仔的辛勞佇咧無意中發現羊仔若是食著一種植物了後，逐擺變甲非常的興奮、四界走、怫怫跳，這種植物就是咖啡，另外嘛有人講是咖啡林著火燒了後，草火薰味引起在地人的注意，自按呢煞來發現咖啡這種物仔，上早彼陣，咱人哺咖啡豆是欲提神，後來經過烘、研磨，才閣濫麵粉落去做成麵包，共這款麵包予戰場頂的勇士食過了後，就會當提升(人因)作戰的勇氣，到甲公元1000年左右，才開始用水來共煮成飲料，公元13世紀的時陣，衣索匹亞的軍隊侵略"葉門"(Yemen)，咖啡嘛有流傳到阿拉伯(Arab)的所在，彼當時伊斯蘭(Islam)教義禁止教徒食酒，有的宗教界的人士認為咖啡飲料會刺激人的神經，和教義無合，因此禁止人民經營咖啡店，後來，埃及(Egypt)佮蘇丹(Sudan)認為這無算違背教義，(人因)取消禁令，自按呢，咖啡嘛真緊佇阿拉伯地區時行起來，咖啡(Coffee)這个名詞，就是對Qahwa (阿拉伯語)湠出來的，意思是"植物飲料"，後來傳去土耳其變成"Kahve"，這嘛是歐洲(Europe)語言當中表示" coffee "這个詞的母語，啊！咖啡種作、加工的手藝嘛得著阿拉伯人不斷的改進佮完善。
