Pang-chān:憲法

(Tùi 憲法 choán--lâi)


憲法,閣號做憲章根本法或者憲制文件,是一个主權國家政治實體自治地區、聯邦制國家个聯邦州、抑是國際組織个上基本法律。和憲法有仝款地位个法律猶閣有基本法

憲法通常規定一个國家个社會制度、國家制度、國家機關、公民个基本權利佮義務等,毋過無一定包含以上全部內容,親像會漸漸增加憲法內容个英國不成文憲法。有个憲法(特別是成文憲法)會限制政府个權利,伊个方式是制定一寡政府權利个運作範圍(親像人民个基本權),像美國憲法就是即款憲法。憲法个制定佮修改一般愛經過特定个程序。考量美國憲法佮美國烏奴曾經同時並存,認定憲法並毋是民主國家特有个法律種類,以憲法个原文constitution做為思考个起點,憲法个定義其實是國家基本結構个意思。

印度憲法是世界所有主權國家篇幅上長个成文憲法,總共有444條,分22章、12張表佮118个修正案;若翻譯做印度英語有117,369字。相對,美國憲法是篇幅上短个成文憲法,總共7條佮27个修正案,合計4,400字。

理論上,憲法个效力比本國其他法律佮法規懸。憲法反映階級力量个對比關係。毋過佇現實中,憲法並毋是佇所有國家內攏有權威性。佇無仝个時代佮類型个國家,憲法个型式佮內容嘛無啥仝,毋過攏是統治階級意志个表現,是實現𪜶 (in)階級專政个重要工具。為著卜保證憲法个權威性,需要一套相應个體系來確保無儂會當違背憲法。這就是違憲審查。佇現代民主國家,因為實施違憲審查制度,一條法規如果和憲法相違背,著會失效。啊佇非民主國家,憲法个上懸效力經常𣍐 ()當得著有效个維護,致使憲法失去意義。