Thó-lūn:Hoat-lu̍t

法律

法律是人佇社會抑國家內底予人想做著順趁的有系統的規則，司法佮警察執行遮的規則，嘛處罰違反法律的人，處罰的手路比論罰金抑關監等等，佇古早時代，法律四常是頭人所制定的，來制限人著按怎生活、作穡佮做生理，現此時大多數的國家裡，法律是立法機構內面受選舉出來的政治人物制定佮投票通過的較濟。

法律的具體款式就是法律條文(法案)，伊的內容包括警察、法院佮處罰的方式，律師是研究佮為被告辯護的專業人員。

透過司法機構共法律執行，通制限政府干焦會當佇伊佮人民所約束範圍內使用權力，這就號做"法治"，政府的權力主要受憲法的束縛，法治通避免獨裁，嘛保護人民的權利，西元前350年希臘哲學家亞里士多德(Aristotle)捌寫講："法治較好過任何個人的統治"。

文化定定是濟濟法律原則的主要來源，親像家庭觀念佮社會慣勢，隴會影響法律的規定，另外佇真濟國家，宗教佮宗教冊比論吠陀經(Vedas)、聖經抑可蘭經(Koran)嘛捌是法律內容要緊的來源。

成文法佮無成文法

成文法是佇今大多數國家所使用的司法系統，伊是用根據憲法所制定的法律條文，抑是政府公佈的規定來做基礎，成文法閣有一个部份，是根據慣勢的法律程序，佇採取成文法的國家內底，法官一般的無遐大的權，大部份的法律佮判例攏是國會議員所做的。

無成文法是用往過法官所判決的結果做基礎的系統，伊的原頭佇英格蘭(England)，閣今佇濟濟大英帝國以早的領土佮殖民地嘛有採用，(毋過蘇格蘭(Scotland)佮魁北克(Quebec)就無) 伊仝是嘛是美國上主要的法律形式，雖罔美國國會有通過濟濟法案，毋過有閣較濟的法律規定是因為以早法庭的判決。

無成文法佇中世紀就有啊，原起頭是約翰(John)國王予貴族強逼簽署的大憲章。

宗教法律

宗教法律是根據宗教信仰抑宗教冊的法律，比論猶太教的哈拉卡(Halakha)、伊士蘭(Islam)的沙里亞(Sharia)佮基督教的教會法，一直甲18 世紀，沙里亞(Sharia)攏猶是伊士蘭世界的主要法律系統，佇親像沙烏地的阿拉伯(saudi Arabia)佮伊朗(Iran)，(人因)閣規个法律系統基本的就是取沙里亞(Sharia)做根底的。

宗教法律對一寡非宗教法裡的輕罪定定有真酷刑的處罰，對婦女佮少數族群有較不利。