Thó-lūn:Chū-iû ì-hiòng

自由意向

自由意向的問題是咧討論人類敢有法度控制怹家治的行放佮選擇，欲處理這个問題，咱著愛了解自由佮因果的關係，閣決定自然律敢是透過因端佮結果這款關係來決定世間攏總的代誌。

因為對頂懸遮的係項的看法各樣，致使隨人對逐項代誌是毋是代先己經決定好勢，有無仝的看法，佇遮，就產生決定論佮非決定論兩派。

另外講著自由敢會當佮決定論仝時陣存在，就閣產生兩立論佮非兩立論，因為按呢，踏硬的決定論者主張宇宙萬物攏已經決定好勢，照這號看法，自由意向就無可能存在。

自由意向的原則牽涉著宗教、倫理學、心理學佮科學的意義，比論講，佇宗教裡，有自由意向就暗指彼个全能的神無用伊的能力共人的意向佮選擇縛牢牢，佇倫理學來講，自由意向代表隨人攏著有家治的行放來負責任，佇心理學的領域若承認有自由意向就表示咱的心上無有控制咱一部份身體的活動，佇科學來講，自由意向暗指咱身體的活動，包括腦在內，毋是齊攏予肉體的因果關係決定，自有哲學思想開始，自由意向就一直是一个蓋重要的主題。