Pang-chān:臺灣文學
(Tùi 臺灣文學 choán--lâi)
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
臺灣文學兮發祖一般是講佇日本殖民兮1920年代兮臺灣新文學運動，這个運動兮性質和傳統兮舊文學較無相仝，對日本時代新文學運動開始，臺灣兮作家着一直共
後來因為政治環境，特別是國民政府統治臺灣了後，臺灣文學這个名詞着一直有爭議，親像1970年代兮鄉土文學盤話兮時，着有儂厚操煩，講鄉土文學佮分離主義相黏蒂帶，嘛有儂講鄉土文學佮中國共產黨統一之下兮文學穿仝領褲，是工農兵文藝，嘛閣有儂刁持共鬱拗，號做「邊疆文學」。
一直到1980年代起初，臺灣兮作家總算是成功共臺灣文學爭取着地位，公開提倡佇臺灣產生兮文學着是臺灣文學，一來二去，見若認同臺灣兮儂，用臺灣儂兮觀點，來寫出疼痛臺灣，佮臺灣有關係兮文學作品，攏會使叫做臺灣文學。
若看臺灣文學使用兮文字，有漢字文言文，福佬、日本佮華語等等，有兮寫漢字，有兮用羅馬字，三等二號，算是臺灣文學兮特色。
若對歷史來看，臺灣文學是較晏發祖兮文學，佮先進國家比起來，毋但比日本慢起行真濟，甚至嘛比中國五四運動兮新文學較慢幾若冬，因為臺灣文學發祖較晏，所以自然就繼承其他文學兮性質佮成績，歐洲佮美國文學對伊有影響，日本佮中國文學嘛對伊有真濟影響。
日本時代，賴和共臺灣文學號做「世界主義下跤兮臺灣新文學」，若這个時代兮作家鍾肇政（客語：Chûng Seu-chṳn）是講：「臺灣文學是臺灣本土兮文學，是臺灣儂兮文學，是世界文學兮一支」。