Thó-lūn:Hoe

Hîong-hoe, chhû-hoe kap chhû-hîong kâng-tu chit-kúi-ê sû, nā kā hîong kap chhû ēng kang kap bó lâi tāi-thhè, kám ē koh khah-hó? Kóng--khí-lâi, Hō-ló ká-ná khah bô ēng hîong, chhû lâi kóng sèng-pia̍t, nā kang kap bó sī ēng kah chin phó-phiàn. Bóng chham-khó. Taokara 06:25 26 Cha̍p-jī-goe̍h, 2005

花

花是開花植物，也著是Magnoliophyta的生殖器官，花的功能是透過有性繁殖來產生種子，花受精後發育做果子，果子內底有種子。

花的解剖

---

• 花柄
• 花托
• 花萼 (calyx) ：一箍萼片(sepal)的合稱，肉身較筋韌，會得通保護花佮支持花蕊，伊定定是青色的，毋過有的種類伊生得佮花葉足成的。
• 花冠 (corolla) – 一箍花葉(petal)的合稱，肉身步平較薄較軟，有色水佮芳味，會得通唌昆蟲來採花授粉，花葉佮萼柄合稱花被，常在使用佇花葉佮萼片較歹分別的花蕊。
  • 雄蕊 (androecium)：由花絲佮花藥來構成，花藥有花粉袋仔，內底有花粉，花粉內底有雄性的生殖細胞。
  • 雌蕊 (gynoecium)：由子房、花柱佮柱頭構成，柱頭成熟的時陣會分泌粘液，是接受花粉的所在，子房內底有胚珠佮胎座，接受花粉受精吼的胚珠會佇胎座遐發育成做種子。

花的特徵

---

• 不完全花：一蕊花若是有萼片、花葉、雄蕊佮雌蕊著號做"完全花"，若是欠其中任何一部份著號做"不完全花"。
• 無花被：欠花被（萼片佮花葉）的花。
• 單被花：花被中干焦有萼片或干焦有花葉的花。
• 單性花: 一蕊花仝時有雄蕊佮雌蕊兩種生殖器官著號做"雙性花"，若是一蕊花干焦有雄蕊或雌蕊，或者是雖罔仝時有雄蕊佮雌蕊，毋過其中一種已經退化失去功能，按呢就號做單性花。
• 雄花：一蕊花干焦有雄蕊，或者雄蕊有效，雌蕊無效。
• 雌花：一蕊花干焦有雌蕊，或者雌蕊有效，雄蕊無效。
• 雌雄仝株：一个植物的花攏是單性花，啊雄花佮雌花仝佇這欉植物。
• 雌雄異株：一个植物的花攏是單性花，啊雄花佮雌花無生佇仝一欉。
• 柱花受粉：花粉對雄蕊落落去仝一蕊花的雌蕊柱頭。
• 副花冠：花冠的附屬物，位佇花冠的中央或內側，一箍或者幾若箍，形狀無仝，色水定定特別顯目，伊的功能是增加花蕊的吸引力，吸引昆蟲來幫贊受粉。