Bîn-bāng

Bîn-bāng he̍k-chiá kóng bāng, sī khùn ê sî-chūn só͘ keng-giām tio̍h ê iáⁿ-siōng, siaⁿ-im, siūⁿ-hoat iā sī sim-chêng.

"Bāng" ê kî-tha ì-sù, chhiáⁿ khoàⁿ bāng (khu-pia̍t-ia̍h).

Bîn-bāng sī sim-lí-ha̍k ê gián-kiù tê-bo̍k, mā-sī chi̍t khoán seng-bu̍t-ha̍k hiān-siōng, lēng-gōa mā ū choan-bûn thàm-thó bîn-bāng sán-seng kap kòe-têng ê ha̍k-būn, kiò-chò bāng-ha̍k (oneirology); nā-sī choan-bûn gián-kiù bāng ê lōe-iông ì-gī ê ha̍k-būn, kiò kái-bāng.