Chhiok-mûi
(Tùi Catalysis choán--lâi)
Chhiok-mûi (觸媒; Eng-bûn: catalysis), iū hō-chò chhui-hòa-che (催化劑), sī chi̍t chióng ē-tàng ka-sok hoán-èng sok-tō͘ ê bu̍t-chit. Chhiok-mûi siōng-tōa ê te̍k-sek sī i pún-sin ê chit-liōng, cho͘-sêng, kap hòa-ha̍k sèng-chit bōe in-ūi chham-ka hòa-ha̍k hoán-èng lâi kái-piàn. Chhiok-mûi ê ka-thiam ē-sái kàng-kē hoán-èng ê oa̍h-hòa lêng-liōng, kái-piàn hoán-èng ê lō͘-kèng; che iā-sī hoán-èng sok-tō͘ ē ka-kín ê goân-in.
