Chèng-hiân

Chèng-hiân (正弦; sine) sī chi̍t ê saⁿ-kak hâm-sò͘. Chèng-hiân hâm-sò͘ ê tēng-gī-he̍k hâm-kài kui-ê si̍t-sò͘, ah ti̍t-he̍k sī [-1,1]. Chèng-hiân sī chi̍t ê chiu-kî hâm-sò͘, i-ê siōng-sió chiu-kî sī 2π. Tī chū-piàn-liōng sī (4n+1)π/2 ê sî-chūn, chèng-hiân ū hâm-sò͘ ke̍k-tāi-ti̍t 1; nā tī chū-piàn-liōng sī (4n+3)π/2 ê sî-chūn, chèng-hiân hâm-sò͘ ū ke̍k-siáu-ti̍t -1. Chèng-hiân sī chi̍t ê khia-hâm-sò͘, i-ê tô͘-hêng tùi goân-tiám tùi-chheng.