Chìⁿ hî kap má-lêng-chî-chhiam
(Tùi Chìⁿ hî kap chips choán--lâi)
Chìⁿ hî kap má-lêng-chî-chhiam sī chìⁿ ê hî (tiāⁿ-tiāⁿ sī iōng soat-hî) kap hô-lân-chî-chhiam. Che sī tī Liân-ha̍p Ông-kok chin chhut-miâ, lâng chin ài chia̍h ê chia̍h-mı̍h. Hô-lân-chî chhiat chò 1 tiâu 1 tiâu--ê chhiam, hō-chò "chips", chiah chìⁿ; hî gōa-kháu ài seng pau mī-kô, chiah chìⁿ. Siōng-bóe téng-kôan hē iâm, ak chhò͘, iā-sī lóng chham.
Tī Liân-ha̍p Ông-kok, bē chìⁿ hî kap chips ê tiàm chin chōe. Pún-lâi iōng pò-chóa pau iû-lap-lap ê chìⁿ hî kap chips, chit-má iōng chóa lok-á iā-sī iōng pho·-lí-lóng ê khé-á.
