Chū-jiân soán-te̍k

Chū-jiân sóan-te̍k (Eng-bûn: natural selection), khah thoân-thóng ê hoan-e̍k kiò thian-te̍k (天擇), sī chi̍t khóan kòe-têng, tī chit-ê kòe-têng tiong, in-ūi seng-bu̍t siⁿ-thòaⁿ ê sêng-kong kap sit-pāi, chō-sêng chi̍t kóa ûi-thôan sèng-chit (trait) tī kò-thé-kûn (population) lāi-bīn ê pí-lu̍t chin-ka ia̍h sī kiám-chió.

Chū-jiân sóan-te̍k ē-tàng kái-soeh ūi-siáⁿ-mi̍h kok-chióng Darwin-chhiok (Darwin's finches) ê chiáu-chhùi ū hiah-chē bô-kāng-khóan ê hêng-chōng.

Chū-jiân sóan-te̍k chit-ê khài-liām sī Charles Darwin só͘ thê-chhut, sī seng-bu̍t chìn-hòa ê chú-iàu ki-chè (mechanism). 20 sè-kí ê kho-ha̍k-ka chiong Darwin ê chū-jiân sóan-te̍k khài-liām kap Gregor Mendel ê ûi-thôan kui-lu̍t thóng-ha̍p chhut hiān-tāi ê chìn-hòa lí-lūn.

Te̍k-sû ê hêng-sek

• Sèng soán-te̍k
• Jîn-ûi soán-te̍k

Goā-pō͘ liân-kiat

• The Origin of Species by Charles Darwin - Charles Darwin tùi chū-jiân sóan-te̍k ê kái-soeh.
• Natural Selection Archived 2012-08-15 at the Wayback Machine. - Berkeley Tāi-ha̍k ê kàu-ha̍k bāng-ia̍h.