Chhoan-lí-tiúⁿ
Lí-tiúⁿ ia̍h-sī Chhoan-tiúⁿ (lē-sio̍k î khu, koān-hat-chhī, he̍k-chiá-sī tìn--ê hō-chò Lí; lē-sio̍k î hiongg--ê hō-chò Chhoan) sī Tiong-hoâ Bîn-kok ê siōng kē chân-kip tē-hng-koaⁿ. Sī thàu-kòe sì-tang chi̍t-tàu ê tēng-kî soán-kí soán--chhut-lâi-ê, bô liân-jīm ê hān-chè. Chhoan-lí-tiúⁿ sī bû-kip-chit, m̄-koh ū hiong-tìn-chhī-khu-kong-só͘ só͘ pian-lia̍t ê sū-bū pó͘-chō͘-hùi thang-hó ūn-iōng.
Chit-lêng
siu-káiChhoan-lí-tiúⁿ hat-hā ū 100 chì 4,000 hō͘ put-téng. Chú-iàu ê khang-khòe pau-koat hoán-èng tē-hng su-kiû, hia̍p-chō͘ soan-tō chèng-lēng, kah kí-pān lí-bîn oa̍h-tāng. I-chiàu Tē-hng Chè-tō͘ Hoat, chhoan-lí-tiúⁿ siū-tio̍h hiong-tìn-chhī-khu-tiúⁿ ê chí-hui chham kàm-tok, hū-chek pān-lí chhoan-lí ê kong-bū kah kau-pān sū-hāng. Tān-sī, si̍t-bū siōng in-ūi chhoan-lí-tiúⁿ sī ti̍t-chiap bîn-soán--chhut-lâi-ê, to̍k-li̍p-sèng kiông, ka-siōng kong-só͘ kah chèng-hú bô-hoat-tō͘ chiam-tùi bîn-soán ê chhoan-lí-tiúⁿ chò-chhut si̍t-chè tiàu-chit he̍k-chiá-sī chhú-hoa̍t. In-chhú hiong-tìn-chhī-khu-tiúⁿ it-poaⁿ bē ùi téng-thâu chí-hui, sī ē chhiáⁿ lâng hia̍p-chō͘, iû-kî khu-tiúⁿ sī chhī-tiúⁿ chí-phài--ê, i ê bîn-ì ki-chhó͘ pí lí-tiúⁿ khah kē.