Choân-lûi-táⁿ
| 這篇文章有漢字兮版本。 參考這篇文章兮漢字版本。 |
Choân-lûi-táⁿ (Eng-gí: Home Run; sok-siá: HR), koh hō-chò hőng-bú-láng (Ji̍t-pún-gí: ホームラン), sī iá-kiû ūn-tōng lāi-té chi̍t-chióng thûi-á-chhiú ē-sái se̍h só͘-ū lúi chi̍t-khian ê an-táⁿ. Tû-liáu thûi-á-chhiú cháu tńg-lâi chiong-tiám pún-lúi ê sî, ē ka-kī tit-tio̍h 1-hun í-gōa, só͘-ū í-keng tī lúi-siōng ê cháu-lúi-oân ta̍k-ê lóng ē-sái tit-tio̍h 1-hun.
 |
Hőng-bú-láng ê Chióng-lūi
siu-káiTû-liáu it-poaⁿ ê hőng-bú-láng, tī chi̍t-kóa khah te̍k-pia̍t ê chōng-hóng hā koh ū bô-kâng ê miâ.
Tiôⁿ-lāi Choân-lûi-táⁿ
siu-káiSui-jiân kiû bô poe--chhut-khì, tān-sī chí-iàu tùi-chhiú bô hoat-seng sit-gō͘, thûi-á-chhiú kòng-tio̍h kiû liáu-āu ti̍t-chiap se̍h liáu só͘-ū ê lúi, tī iá-chhiú kā kiû thoân tńg-khì chìn-chêng cháu tńg-lâi pún-lúi, mā sǹg-sī choân-lúi-táⁿ; hō-chò "tiôⁿ-lāi choân-lúi-táⁿ" (Eng-gí: inside-the-park home run), it-poaⁿ thûi-á-chhiú su-iàu sī chi̍t-ê cháu chok kín ê soán-chhiú, jî-chhiáⁿ iá-chhiú bô-tio̍h-sī tùi kiû ê chhú-lí bô-kàu chèng-khak, bô-tio̍h-sī kiû in-ūi kiû-tiôⁿ ê koan-hē pháiⁿ chhú-lí, tùi-chhiú koh bē-sái hőng kì sit-gō͘, nā-bô kì-lo̍k siōng thûi-á-chhiú tio̍h m̄-sī hőng-bú-láng.
Móa-lúi Choân-lúi-táⁿ
siu-káiMóa-lúi choân-lúi-táⁿ, koh hō-chò boán-koàn choân-lúi-táⁿ, móa-lúi-táⁿ, boán-koàn-phàu, sī chí thûi-á-chhiú tī móa-lúi ê sî-chūn (it-lúi, jī-lúi, sam-lúi lóng-ū cháu-lúi-oân) só͘ kòng-chhut ê hőng-bú-láng, thang chi̍t-pái ti̍t-chiap tit tio̍h 4-hun.
Ko͘-hun Choân-lúi-táⁿ
siu-káiKo͘-hun choân-lúi-táⁿ (Solo Home Run) sī chí tī lúi-siōng bô cháu-lúi-oân ê chêng-hêng só͘ kòng chhut ê hőng-bú-láng, kan-na 1-hun tá-tiám niā-niā.
"Siú-kio̍k siú-táⁿ-se̍k choân-lúi-táⁿ" mā-sī ko͘-hun-phàu ê chi̍t-chióng, in-ūi kòng-chhut chit-khoán hőng-bú-láng ê thûi-á-chhiú it-tēng sī tē-it-kio̍k (bô-lūn siōng, hā pòaⁿ-kio̍k) ê thâu-chi̍t-ūi thûi-á-chhiú. Nā tē-it-kiû tio̍h kòng-chhut hőng-bú-láng, tio̍h sī "siú-kio̍k siú-kiû siú táⁿ-se̍k choân-lúi-táⁿ".
Tiôⁿ-lāi Móa-lúi Choân-lúi-táⁿ
siu-káiThûi-á-chhiú tī móa-lúi ê sî kòng-chhut ê tiôⁿ-lāi hőng-bú-láng, tû-liáu iá-chhiú siú-pī ê būn-tê kah thûi-á-chhiú pún-sin ê cháu-lúi sok-tō͘ í-gōa, lúi-siōng cháu-chiá ê sok-tō͘ mā ū éng-hióng.
2021 nî 7 goe̍h 30, Hù-pang Hān-chiòng Hoān Kok-sìn bīn-tùi Lo̍k-thian Thô-oân Ông Io̍k-lîm kòng-chhut tiôⁿ-lāi móa-lúi choân-lúi-táⁿ, sī Tiong-hôa Chit-pāng thâu-chi̍t-ki.
Chài-kiàn Choân-lúi-táⁿ
siu-káiChài-kiàn choân-lúi-táⁿ (Eng-gí: walkoff home run) sī chí ē-tàng má-siōng kā pí-sài kiat-sok tiāu ê hőng-bú-láng. Ài ti̍t-chiap kiat-sok pí-sài, su-iàu sī āu-kong kiû-tūi tī siōng-bóe chi̍t-kio̍k ê hā-pòaⁿ-kio̍k kòng-chhut hőng-bú-láng, hō͘ pí-sò͘ thang chhiau-chiân, mā hiòng tùi-chhiú seng-kong kiû-tūi kóng "chài-kiàn". Kî-tiong "chiong-ke̍k chài-kiàn móa-lúi choân-lúi-táⁿ" (Ultimate Walk-off Grand Slam Home Run) sī chí tī kiû-tūi su 3-hun ê sî kòng-chhut ê chài-kiàn hőng-bú-láng.
Tāi-táⁿ Choân-lúi-táⁿ
siu-káiHū-chek tāi-táⁿ ê thûi-á-chhiú kòng chhut ê hőng-bú-láng.
Back-to-back
siu-kái- Liân-sòa 2-ūi thûi-á-chhiú lóng kòng chhut hőng-bú-láng ê sî, tio̍h sī back-to-back ê choân-lúi-táⁿ.
- Liân-sòa 3-ūi thûi-á-chhiú kòng-chhut hőng-bú-láng ê sî, thang kiò-chò back-to-back-to-back.
- Liân-sòa sì-ūi thûi-á-chhiú lóng kòng-chhut hőng-bú-láng, tī Tāi-liân-bêng sú-siōng kan-na chhut-hiān kòe 8-kái, thang kiò-chò back-to-back-to-back-to-back. Chòe-kīn chi̍t-pái hoat-seng tī 2017-nî 7-goe̍h 28, Kok-bîn-tūi ê Brian Goodwin, Wilmer Difo, Bryce Harper, Ryan Zimmerman liân-sòa 4-ê thûi-á-chhiú kòng chhut hőng-bú-láng.
Oân-choân Choân-lúi-táⁿ
siu-káiOân-choân choân-lúi-táⁿ (Home run cycle) sī "oân-choân táⁿ-kek" ê choân-lúi-táⁿ pán-pún, chí kiû-tūi tī chi̍t-tiôⁿ pí-sài lāi-té chhut-hiān 4-chióng choân-lúi-táⁿ (ko͘-hun, 2-hun, 3-hun, boán-koàn) ê chōng-hóng, chèng-siông chêng-hóng chi-hā eng-kai sī bô-kâng lâng ha̍p-chok oân-sêng. Ná kiû-tūi ta̍t-sêng oân-choân hőng-bú-láng ê sî, kui-tiôⁿ pí-sài tit-hun siōng-bô mā-ū 10-hūn.
Nā tan-it soán-chhiú oân-sêng ê oân-choân hőng-bú-láng chiâⁿ hán-tit khòaⁿ--tio̍h. 2019 nî 4 goe̍h 16, Bí-kok chi̍t-ê ko-tiong-seng tio̍h ka-kī oân-sêng oân-choân choân-lúi-táⁿ[1][2]。2022 nî 8 goe̍h 11, Bí-kok Chit-pāng 2A Liân-bêng Âng-chhiok-tūi sin-siù Chandler Redmond mā oân-sêng sió-liân-bêng sú-siōng thâu-chi̍t-pái ê tan-jîn oân-choân hőng-bú-láng.
Koh khòaⁿ
siu-káiGōa-pō͘ Liân-kiat
siu-káiTâi-oân Pāng-kiû Wiki-koán：全壘打(Hàn-gí)
Chham-khó Chu-liāu
siu-kái- ↑ Kyle Rowland (2019年4月16日). "Not even a major leaguer has done it: Perrysburg's Borer hits for HR cycle". Toledo Blade. Goân-pún bāng-ia̍h Pó-chûn tī 2019年4月19日. 2019年4月20日 khòaⁿ--ê.
- ↑ "美高中生敲「完全全壘打」 實力+運氣歷史僅1人達成". 東森新聞雲. 2019年4月19日. Goân-pún bāng-ia̍h Pó-chûn tī 2019年4月19日. 2019年4月20日 khòaⁿ--ê.