Ông Io̍k-lîm (iá-kiû ūn-tōng-oân)
| 這篇文章有漢字兮版本。 參考這篇文章兮漢字版本。 |
Ông Io̍k-lîm (王躍霖; 1991-nî 2-goe̍h 5-hō chhut-sì ), phian-miâ Dumbo [chù 1] [1], sī Tâi-oân Tâi-tang-koān chhut-sin ê Amis-cho̍k iá-kiû soán-chhiú, siú-pī ūi-tì sī tâu-chhiú. 2009-nî í 26-bān Bí-kim ê chhiam-iok-kim ka-bêng Chicago Cubs, 2015-nî 1-goe̍h hőng sek-chhut liáu-āu tńg-lâi Tâi-oân chham-ka Tiong-hôa Chit-pāng kùi-tiong soán-siù-hōe, hō͘ Lamigo Thô-oân kéng-tio̍h ka-bêng, pēng-chhiáⁿ chiâⁿ-chò sèng-lī-cho͘ chú-le̍k, koh tit-tio̍h 4-pái chóng-koan-kun. 2022-nî thàu-kòe kau-e̍k choán-khì Hù-pang Hān-chiòng, 2023-nî ka-ji̍p Bī-choân Liông. 2023-nî 11-goe̍h 28 hō͘ Tâi-kǹg Hiông-eng tī tē-2-pái khok-pian soán-siù kéng-tio̍h.[2]
| Ông Io̍k-lîm 王躍霖 | |||
|---|---|---|---|
| Tâi-kǹg Hiông-eng – No. 95 | |||
| Tâu-chhiú | |||
Chhut-sì: 1991 nî 2 goe̍h 5 ji̍t (33 hòe) Tiong-hôa Bîn-kok Tâi-tang-koān | |||
| |||
| Chho͘-chhù chhut-sài | |||
| 2015-nî 9-goe̍h 9-hō, tī Lamigo Thô-oân | |||
| Seng-gâi sò͘-kì thóng-kè (chì 2024 nî ûi-chí) | |||
| sèng-tâu — pāi-tâu | 15－20 | ||
| tiong-kè — kiù-oān | 79－13 | ||
| sa̋n-sín — sì-pháiⁿ | 325－147 | ||
| hông-gū-lu̍t | 4.87 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
|
| |||
Chit-gia̍p Seng-gâi
siu-káiÔng Io̍k-lîm tī 2009-nî í 26-bān Bí-kim ê chhiam-iok-kim ka-ji̍p Chicago Cubs, 2015-nî 1-goe̍h hō͘ Chicago Cubs sek-chhut. Kāng-nî 3-goe̍h khì Ji̍t-pún chiap-siū Pán-sîn Hó͘ chhek-chhì bô-kòe, āu-lâi pò-miâ chham-ka Tiong-hôa Chit-pāng kùi-tiong soán-siù-hōe, hō͘ Lamigo Thô-oân í tē-6-lûn (choân soán-siù-hōe tē-24-ūi) kéng-tio̍h, pēng-chhiáⁿ í goe̍h-kip 15-bān ka-bêng.
I bat ji̍p-soán 2013-nî Sè-kài Iá-kiû Keng-tián-sài kok-ka-tūi 28-lâng miâ-toaⁿ, tāi-piáu chham-ka 2013-nî Sè-kài Iá-kiû Keng-tián-sài kah chu-keh-sài. I chit kúi tang tī chiok chē kok-chè-sài lóng ū chham-sài, tùi 2011 kàu 2014-nî kùi-āu, kok-chióng ê kok-chè sài-sū lóng-ē-sái khòaⁿ-tio̍h Ông Io̍k-lîm, koh ka-siōng tī Bí-kok phah-kiû ê kî-kan, sian-hoat, tiong-kè, hiō-oān lóng-bat tam-jīm kòe, mā chō-sêng āu-lâi phî-lô tio̍h-siong, chòe-āu hō͘ Chicago Cubs sek-chhut[3].
2016-nî kah Âng Sèng-khim, Lîm Hôa-khèng téng kēng-cheng tē-5-hō sian-hoat ê ūi-tì, chòe-āu sêng-kong kā chhióⁿ--lo̍h-lâi. 4-goe̍h 23 tī Thô-hn̂g tùi-chiàn Thóng-it 7-ELEVEn Sai tâu 6-kio̍k sit 3-hun tit-tio̍h tī Tiong-chit ê tē-1-sèng, 2017-nî khai-sí kái-chò hiō-oān tâu-chhiú, koh tit-tio̍h tiong-kè-ông, āu--lâi tit-tio̍h 2018 ~ 2020-nî goe̍h-kip hun-pia̍t sī 28, 24 kah 40-bān kho͘ ê ho̍k-sò͘-nî ha̍p-iok[4].
2017-nî kàu 2020-nî kî-kan, chiâⁿ-chò Oân-tūi bē-sái-bô ê sèng-lī-cho͘ tâu-chhiú, tiāⁿ-tiāⁿ thè Lamigo kā sèng-lī siú--lo̍h-lâi, pau-koat 2019-nî Tâi-oân Tōa-sài tē-1-chiàn, tī 9-kio̍k-siōng 2-chhut-kio̍k móa-lúi ê sî-chūn lo̍h-tiôⁿ kiù-oān tùi-koat Tiong-sìn Hiaⁿ-tī ê Chiam Chú-hiân, hit-tang-chūn pí-sò͘ sī 5:5 pêⁿ-chhiú, Ông Io̍k-lîm sui-jiân tú-khai-sí liân-sòa tâu 3-ê pháiⁿ-kiû, tān-sī lo̍h-bóe sêng-kong kā tùi-chhiú sa̋n-sín tiāu, sêng-kong kā hô-kio̍k ê kio̍k-bīn siú--lo̍h-lâi, lo̍h-bóe Lamigo tī 9-kio̍k-hā í Liāu Liān-hù ê chài-kiàn an-táⁿ sêng-kong kā chit-tiôⁿ pí-sài iâⁿ--lo̍h-lâi, chiâⁿ-chò hē-lia̍t-sài ê koan-kiān, lo̍h-bóe Lamigo í 4:1 kek-pāi Tiong-sìn Hiaⁿ-tī oân-sêng 3-liân-pà.
2021-nî kàu 2022-nî, in-ūi tio̍h-siong ê koan-hē, chhut-tiôⁿ-lu̍t kah kha-chhiú lóng bô í-chêng hiah-nī hó, mā tau̍h-tau̍h-á lī-khui gû-tiâu ê chú-le̍k ūi-tì. 2022-nî 8-goe̍h 31, Lo̍k-thian kā Ông Io̍k-lîm kah Lîm Te̍k-pin kau-e̍k khì Hù-pang Hān-chiòng, ōaⁿ-lâi tâu-chhiú Iôⁿ Pin kah lāi-iá-chhiú Iôⁿ Chìn-hô[5].
Kò-jîn Seng-oa̍h
siu-káiSió-tī sī chêng Bí-kok Chit-pāng Pittsburgh Hái-chha̍t ê tâu-chhiú Ông Ûi-tiong, bat tī 2015-nî 9-goe̍h Ông Io̍k-lîm thâu-chi̍t+pái tiàm Tiong-hôa Chit-pāng lē-hêng-sài sian-hoat ê sî tam-jīm Lamigo TV ê lâi-pin[6], Ông Ûi-tiong tī 2020-nî tńg-lâi Tâi-oân chham-ka soán-siù, tit-tio̍h Bī-choân Liông tē-1 chí-miâ ka-bêng. Chek-peh-sió-tī sī Tiong-hôa Chit-pāng Hù-pang Hān-chiòng kiû-oân Ông Si-chhong. In bó͘ sī chêng Lamigo chàn-siaⁿ-tūi Lamigirls ê sêng-oân "Sió-pò͘".
Keng-le̍k
siu-kái- Tâi-tang-koān Tâi-tang-chhī Sin-seng Kok-sió Siàu-pāng-tūi
- Tâi-tang-koān Thài-goân Kok-tiong Chheng-siàu-pāng-tūi
- Ko-hiông-chhī Su-li̍p Sam-sìn Ko-kip Ka-sū Siong-gia̍p Chit-gia̍p Ha̍k-hāu Chheng-pāng-tūi
- Kok-li̍p Tâi-oân Thé-io̍k Tāi-ha̍k Tâi-tiong Hāu-khu
- Tāi-liân-bêng Ò-chiu Iá-kiû Ha̍k-īⁿ Kè-ōe (Major League Baseball Australian Academy Program, MLBAAP)
- Bí-kok Chit-pāng Chicago Cubs (2009-nî 6-goe̍h13－2015-nî 1-goe̍h24), Sin-lâng liân-bêng → Ko-kai 1A
- Kok-hùn Tiong-sim Iá-kiû-tūi (2015-nî 2-goe̍h －2015-nî 7-goe̍h)
- Tiong-hôa Chit-pāng Lamigo Thô-oân (2015-nî 7-goe̍h 21－2019-nî 12-goe̍h 16)
- Tiong-hôa Chit-pāng Lo̍k-thian Thô-oân (2019-nî 12-goe̍h 17－2022-nî 8-goe̍h 31)
- Tiong-hôa Chit-pāng Hù-pang Hān-chiòng (2022-nî 9-goe̍h 1-hō－2023-nî 1-goe̍h 29)
- Tiong-hôa Chit-pāng Bī-choân Liông (2023-nî 1-goe̍h 30－2023-nî)
- Tiong-hôa Chit-pāng Tâi-kǹg Hiông-eng (2024-nî－)
Kok-chè-sài
siu-kái- 2011-nî Sè-kài-poe Iá-kiû-sài
- 2011-nî MLB Choân Bêng-chheⁿ Tâi-oân Tōa-sài
- 2012-nî Cuba A-chiu Sûn-hôe Tùi-khòng-sài
- 2013-nî Sè-kài Iá-kiû Keng-tián-sài Chu-keh-sài
- 2012-nî À-chiu Iá-kiû Kím-phiau-sài
- 2013-nî Sè-kài Iá-kiû Keng-tián-sài
- 2013-nî Tang-a Ūn-tōng-hōe
- "Ji̍t-pún Bú-sū vs. Tiong-hôa Chiàn-sū" 2013 Keng-tián Iá-kiû Tùi-khòng-sài
- 2014-nî A-ūn
Chit-pāng Seng-gâi Sêng-chek
siu-káiBí-kok Chit-pāng
siu-kái- Sió-liân-bêng tâu-kiû kio̍k-sò͘ 314.2-kio̍k, 16 sèng 23 pāi 3.98 chū-chek-hun-lu̍t.
Tiong-hôa Chit-pāng
siu-kái| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sì-sí | Toa̍t sa̋n-sín | Chek-sit | Tâu-kiû kio̍k-sò͘ | Chū-chek-hun-lu̍t. | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2015 | Lamigo Thô-oân | 10 | 1 | 0 | 1 | 1 | 0 | 0 | 0 | 4 | 15 | 9 | 14.2 | 5.52 | 1.57 |
| 2016 | Lamigo Thô-oân | 41 | 6 | 2 | 5 | 10 | 0 | 0 | 0 | 43 | 69 | 42 | 61.1 | 6.16 | 1.92 |
| 2017 | Lamigo Thô-oân | 64 | 0 | 3 | 0 | 19 | 1 | 0 | 0 | 29 | 56 | 22 | 57.2 | 3.43 | 1.16 |
| 2018 | Lamigo Thô-oân | 28 | 0 | 0 | 0 | 4 | 0 | 0 | 0 | 21 | 21 | 15 | 19.0 | 7.11 | 2.16 |
| 2019 | Lamigo Thô-oân | 52 | 0 | 3 | 5 | 9 | 0 | 0 | 0 | 13 | 58 | 26 | 52.1 | 4.47 | 1.26 |
| 2020 | Lo̍k-thian Thô-oân | 45 | 0 | 3 | 3 | 9 | 10 | 0 | 0 | 9 | 43 | 23 | 47.0 | 4.40 | 1.30 |
| 2021 | Lo̍k-thian Thô-oân | 12 | 0 | 0 | 0 | 2 | 0 | 0 | 0 | 8 | 7 | 10 | 11.1 | 7.94 | 2.38 |
| 2022 | Lo̍k-thian Thô-oân | 13 | 0 | 1 | 2 | 3 | 0 | 0 | 0 | 5 | 7 | 7 | 11.1 | 4.50 | 1.14 |
| Hù-pang Hān-chiòng | 6 | 0 | 0 | 0 | 1 | 0 | 0 | 0 | 2 | 2 | 3 | 4.1 | 6.23 | 2.54 | |
| 2023 | Bī-choân Liông | 56 | 0 | 3 | 2 | 15 | 2 | 0 | 0 | 19 | 35 | 15 | 44.1 | 3.05 | 1.15 |
| 2024 | Tâi-kǹg Hiông-eng | 32 | 0 | 0 | 2 | 6 | 0 | 0 | 0 | 8 | 12 | 18 | 25.1 | 6.39 | 1.70 |
| Ha̍p-kè | 10-nî | 359 | 7 | 15 | 20 | 79 | 13 | 0 | 0 | 160 | 325 | 190 | 351.1 | 4.87 | 1.50 |
Te̍k-sû Sū-chek
siu-káiChù-kái
siu-káiChham-khó Chu-liāu
siu-kái- ↑ 2016年綽號球衣，放在王躍霖臉書粉絲團
- ↑ "台鋼第2次擴編選秀結果出爐！陳文杰、郭俊麟等4投1野". Goân-pún bāng-ia̍h Pó-chûn tī 2023-12-16. 2023-11-28 khòaⁿ--ê.
- ↑ "連年征戰國際賽導致受傷 王躍霖不說後悔". Goân-pún bāng-ia̍h Pó-chûn tī 2016-05-08. 2016-04-21 khòaⁿ--ê.
- ↑ Lamigo談薪完成 救援王陳禹勳獲複數約 Archived 2018-02-23 at the Wayback Machine.，TSNA，20180222
- ↑ "快訊／富邦樂天達成交易！楊晉豪、楊彬換王躍霖、林澤彬". Goân-pún bāng-ia̍h Pó-chûn tī 2022-08-31. 2022-08-31 khòaⁿ--ê.
- ↑ "【更新】王維中桃園為哥哥王躍霖打氣 只有擦肩而過". Goân-pún bāng-ia̍h Pó-chûn tī 2016-05-05. 2016-04-21 khòaⁿ--ê.
Gōa-pō͘ Liân-kiat
siu-káiTâi-oân Pāng-kiû Wiki-koán：Io̍k-lîm (iá-kiû ūn-tōng-oân) Ông Io̍k-lîm (iá-kiû ūn-tōng-oân)(Hàn-gí)
- Ông Io̍k-lîm ê Facebook choan-ia̍h
- Ông Io̍k-lîm tī Instagram
Pang-bô͘:Tâi-kǹg Hiông-eng kiû-oân miâ-toaⁿ
Pang-bô͘:Lamigo Thô-oân 2017-nî Tiong-hôa Chit-pāng chóng-koan-kun
Pang-bô͘:Lamigo Thô-oân 2019-nî Tiong-hôa Chit-pāng chóng-koan-kun
Pang-bô͘:Bī-choân Liông 2023-nî Tiong-hôa Chit-pāng chóng-koan-kun
Pang-bô͘:2013-nî Sè-kài Iá-kiû Keng-tián-sài Chu-keh-sài Tiong-hôa Tâi-pak Tāi-piáu-tūi
Pang-bô͘:2013-nî Sè-kài Iá-kiû Keng-tián-sài Tiong-hôa Tâi-pak Tāi-piáu-tūi
Pang-bô͘:2014-nî Tē-17-kài Hân-kok Jîn-chhoan À-ūn Tiong-hôa Tâi-pak Tāi-piáu-tūi
Pang-bô͘:2017-nî À-chiu Chit-pāng Koan-kun Cheng-pà-sài Tiong-hôa Tâi-pak Tāi-piáu-tūi
Pang-bô͘:2019-nî Sè-kài Iá-kiû 12-kiông Pí-sài Tiong-hôa Tâi-pak Tāi-piáu-tūi