Doctor Strange (2016 nî tiān-iáⁿ)

Doctor Strange sī 2016 nî Bí-kok ê chhiau-kip eng-hiông tiān-iáⁿ, chham-chiàu Marvel Comics ê kâng-miâ kak-sek, sī Marvel Studios chè-chok, Walt Disney Studios Motion Pictures hoat-hêng--ê. Che sī Marvel Cinematic Universe (MCU) ê tē-14 chhut tiān-iáⁿ. Pún chhut ê kàm-tok sī Scott Derrickson, i mā chhām Jon Spaihts kap C. Robert Cargill chò-hóe siá hì-bûn, chú-ián Benedict Cumberbatch poaⁿ Doctor Strange, phòe chiūⁿ Chiwetel Ejiofor, Rachel McAdams, Benedict Wong, Michael Stuhlbarg, Benjamin Bratt, Scott Adkins, Mads Mikkelsen, kap Tilda Swinton. Kò͘-sū sī kóng gōa-kho i-seng Stephen Strange tī chhia-hō bô-hoat-tō͘ chò khang-khò liáu-āu khí o̍h tio̍h bì-su̍t (mystic arts).