E-jîn
(Tùi E jîn choán--lâi)
E-jîn (倭人), kán-chheng E, sī Tiong-kok Tiong-goân ông-tiâu tùi Ji̍t-pún lia̍t-tó chū-bîn ê chheng-hō. Ùi kó͘-chá ê San-hái-keng, Lūn-gú kap Lūn-hêng téng chē-chē tù-chok lāi chiū ū tùi E ia̍h-sī E-jîn ê kì-chài, tān-sī chia-ê kì-lio̍k in-ūi sî-tāi ê kio̍k-hān-sèng tì-sú in só͘ kóng ê só͘-chāi kap sî-kan put-bêng, ài ū chìn-chi̍t-pō͘ ê liáu-kái. Kàu Hàn-su lāi chiah ū tùi Ji̍t-pún pún-thó͘ E-jîn ê kì-chài.