Liszt Ferenc

Franz Liszt (Magyar-gí: Liszt Ferenc, 1811 nî 10 goe̍h 22 – 1886 nî 7 goe̍h 31), Magyar kǹg-khîm gâu-lâng kiam Lô-bān sî-kî chok-khek-ka, tī 19 sè-kí Au-chiu sī put-chí-á ū miâ-siaⁿ ê ián-chàu-ka. Kàu taⁿ i toâⁿ phi-á-noh ê châi-tiāu iû-goân sī thoân-kî, lâng phó͘-phàn jīn-ûi i sī chêng kah taⁿ siāng gâu ê 1 ê. I tùi kǹg-khîm ê toâⁿ-hoat ū kek-bēng-te̍k ê éng-hióng, tùi Lô-bān-chú-gī im-ga̍k gí-giân oan-ná ū kòng-hiàn, pau-hâm hoat-bêng kau-hiáng-si (symphonic poem).

Franz Liszt (Barabás Miklós 1847 nî oē).

Chhut-sin

Liszt sī 1811 nî 10 goe̍h 22 chhut-sì--ê, sī Anna Liszt kap Adam Liszt ê hāu-seⁿ, in khiā tī Magyar Ông-kok Sopron Kūn koán-lāi ê Doborján chng.