Gî-lân-kūn
Gî-lân-kūn (宜蘭郡; ぎらんぐん) sī Tâi-oân tī Ji̍t-pún thóng-tī sî-tāi ê chi̍t ê hêng-chèng-khu, tī 1920 nî siat-li̍p, lē-sio̍k-tī Tâi-pak-chiu. Gî-lân-kūn ê kūn-ia̍h-só͘ siat tī-leh Gî-lân-ke, koán-hat Gî-lân-ke, Thâu-ûi-chng, Ta-khe-chng, Chòng-ûi-chng kap Îⁿ-soaⁿ-chng; nā-sī tùi-chiàu chit-má ê hêng-chèng-khu chiū sī Gî-lân-koān ê Gî-lân-chhī, Thâu-siâⁿ-tìn, Ta-khe-hiong, Chòng-ûi-hiong kap Îⁿ-soaⁿ-hiong. Kî-tiong, Gî-lân-ke tī 1940 nî seng-keh chò Gî-lân-chhī.
