Gmail

Gmail (Google Mail) sī Google tī 2004 nî 4 goe̍h 1 hō hoat-pò͘ ê chi̍t-ê bián-hùi tiān-chú iû-kiāⁿ ho̍k-bū. Tī siāng-chá thui-chhut sî, sin sú-iōng-chiá su-iàu hiān-iú sú-iōng-chiá ê tiān-chú iû-kiāⁿ iau-chhiáⁿ. 2007 nî 2 goe̍h 7 hō, Google soan-pò͘ kā Gmail ê chù-chheh oân-choân khai-hòng. Lo̍h-bóe koh tī 2009 nî 7 goa̍h 7 hō ê sî, chèng-sek chhú-siau Beta phiau-chì, tī thui-chhut 5-tang-gōa āu chóng-sǹg choán-ûi chèng-sek pán-pún. Gmail siāng-chá thui-chhut sî ū 1 GB ê thú-chûn khong-kan, tōa-tōa thê-ko tong-sî bián-hùi phe-tâng iông-liōng ê piau-chún. Bo̍k-chiân, Gmail ê iōng-hō͘ í-keng ē-sái hiáng-iú chhiau-kòe 15 GB ê iông-liōng, pēng-chhiáⁿ ē-sái thong-kòe hù-chîⁿ chhú-tit khah-chē khong-kan. Nā-chún beh lēng-gōa sòe khah-chē ê khong-kan, ē-sái ēng ta̍k-kò-goe̍h 1.99 Bí-kim ê kè-siàu lâi chhú-tit 100 GB ê thú-chûn khong-kan. Gmail siāng hō͘ lâng o-ló ê sī i-ê sú-iōng kài-bīn, m̄-nā iông-ī sú-iōng jî-chhiáⁿ sok-tō͘ chin kín, chhú-gōa Gmail mā sī chi̍t-ê chhut-miâ ê AJAX èng-iōng.