Hàn-si

Hàn-si (漢詩), iā hō-chò kū-thé-si (舊體詩), sī iōng Hàn-jī kap thoân-thóng ūn-lu̍t lâi chhòng-chok ê si-bûn, it-poaⁿ pau-hâm kó͘-thé-si kap kīn-thé-si. Hàn-si tùi kui-ê Hàn-jī Bûn-hoà-khoan ê thoân-thóng bûn-ha̍k chhòng-chok ū chin tōa ê éng-hióng. Tû-liáu Tiong-kok pún-sin, kó͘-chá ê Tâi-oân, Tiâu-sián Poàn-tó, Oa̍t-lâm, Ji̍t-pún kap Liû-kiû lóng ū chē-chē Hàn-si chok-phín, sī chia-ê kok-ka ia̍h-sī só͘-chāi thoân-thóng bûn-ha̍k ê chi̍t pō͘-hūn.