Hong

Hong sī liû-tōng ê khong-khì. Tē-kiû sì-chiu-ûi hō͘ khong-khì pau-leh, kui-nî-thàng-thiⁿ siū ji̍t-thâu teh pha̍k. Khong-khì siū-sio phòng-tióng piàn-khin ōe siōng-seng, siū-léng lun-kiu piàn-tāng ōe hā-kàng. Chit-chióng sio-léng kau-oāⁿ ōe sán-seng khong-khì ê liû-tōng.

Khong-khì ê liû-tōng hong-hiòng: Tē-kiû í ka-kī ê tiong-sim chòe ki-chún lâi-teh tńg-se̍h, hō͘ hong ê liû-tōng hong-hiòng ōe siū chit-chióng tńg-se̍h lâi chòe it-tēng hong-hiòng ê chóan-hiòng. Kî-tha iáu-ū in-ūi kùi-chiat, in-ūi lio̍k-tē kah hái-iûⁿ, in-ūi soaⁿ-téng kah soaⁿ-kha ê un-tō͘ chha-pia̍t, téng-téng lóng-ōe hō͘ hong ê liû-tōng hong-hiòng chò piàn-hōa.

Hong hiān-chú-sî mā-sī chi̍t-chióng lêng-goân.