Kùi-chiat

Kùi-chiat sī kun-kù bô-kâng sî-kan ê thiⁿ-khì, un-tō͘, he̍k-chiá sī seng-thài hiān-siōng, lâi tùi ji̍t-chí chò ê hun-toāⁿ, thoân-thóng ê kùi-chiat mā sī tùi chi̍t nî ê hun chiat, m̄-koh hiān-tāi ê le̍k-hoat kap kùi-chiat bô it-tēng tàu-tah.

Tē-kiû chū-choán chhia-sim (    ) kap kong-choán pêng-bîn (    ) sio chhu.

Ki-pún ê kùi-chiat sī chhun-thiⁿ, joa̍h-thiⁿ (hā-thiⁿ, hē-thiⁿ), chhiu-thiⁿ, kap koâⁿ-thiⁿ (tang-thiⁿ), che sī ēng un-tài ê khì-āu ûi chú ê hun-hoat, mā kiò chò sī "sù-kùi". Chóng-sì che kap chin chē só͘-chāi ê chū-jiân chêng-hêng bô ha̍h, chhan-chhiūⁿ jia̍t-tài, lâm-ke̍k, pak-ke̍k téng-téng.

Goân-lí

Tī Tē-kiû téng hêng-sêng kùi-chiat ê goân-lí, chú-iàu sī Tē-kiû chū-choán chhia-sim kap kong-choán ê pêng-bîn bô sûi-ti̍t (tāi-iok chhu 23.5°), che chō-sêng Tē-kiû teh se̍h Thài-iông ê sî-chūn, tī bô-kâng só͘-chāi siū ji̍t-chiò ê thêng-tō͘ bô-kâng; kâng chi̍t-ê só͘-chāi tī bô-kâng sî-chiat mā ū bô-kâng ê ji̍t-chiò-liōng.