Siau Lah-jih

Góa ê pit-kì-hêng tiān-náu chng koah chò 3 ê hē-thóng, beh tòe sî-sè iōng WINXP, beh siá-chok su-iàu HOTSYS ê sî, iōng WIN98, chùn-tòng ê tòng-àn chiah ka khǹg-tiàm DATA, tû-liáu khui-ki khah mâ-hôan í-gōa, sǹg sī bē-bái-iōng. Chiuⁿ-bāng khoaⁿ Wikipedia ê sî, in-ūi bô chng Mozilla Firefox, khòaⁿ--tio̍h ê POJ ū ê só·-chāi ē chhut-hiān khang-keh-á, kin-á-ji̍t tī WIN98 hēng-thóng ka chng Mozilla Firefox, kiat-kó si̍t-chāi hō·-góa kiaⁿ 1-tiô, m̄-nā ē-tit khòaⁿ tio̍h ū tiāu-hû ê POJ, koh ē-tàng kap IE kau-ōaⁿ liû-lám bāng-ia̍h ê mi̍h-kiāⁿ, hō·-siōng bē chhiong-tu̍t, si̍t-chāi hó-iōng. Î-it ûi-hām--ê sī: PowerPoint pian-siá ê tòng-àn, Mozilla Firefox bô-hoat-tō· hián-sī.

Siau lâu-su, chin hoaⁿ-hí ē-tàng tī chia khòaⁿ-tio̍h lí !! Kā lí mn̄g hó ! MinNan wikipedia nā ū lí chit-ūi chiân-pòe ê ka-bêng tàu-sio-tīn, góa siong-sìn beh chhèng--khí-lâi ē ke-chiâⁿ kín !!--limkianhui 14:37, 2 2g 2005 (UTC)

Lîm--sin-seⁿ: Taⁿ lâi o̍h-siá, lāu-hòe-á lâng chiah khai-sí beh tha̍k iù-tì-hn̂g, su-iàu lín to-to chí-tō. Lah-jih

Siau lâu-su, lí siūⁿ khiam-hi lo·h! Lí ê kháu-gí chin chán!--limkianhui 15:44, 2 2g 2005 (UTC)

Tha̍k iù-tī-hn̂g ê lâng koh bē chió ê, góa mā sī kî-tiong 1 ê. Koh khah chē lâng chhām iù-tī-hn̂g to bô teh tha̍k...lán kè-sio̍k ko·-chiâⁿ in lâi tha̍k. Sūn-sòa pò 1 ê phiat-pō·: beh chhiam-miâ ē-sái phah ~~~ (bô ji̍t-kî) a̍h sī ~~~~ (ū ji̍t-kî) -- chin lī-piān--ho·ⁿh. A-giâu 00:25, 3 2g 2005 (UTC)

To-siā A-giâu khan-kà, to̍h lâi chhì-khòaⁿ-māi--leh. Bo̍k-chiân tn̄g-tio̍h 1-ê būn-tê, bē-hiáu an-chng Keyman, ti̍t-chiap su-ji̍p chóng--sī pí iōng chóan-ōaⁿ hong-sek khah hong-piān.Lah-jih 01:01, 3 2g 2005 (UTC)

Chhiáⁿ mn̄g Siau lāu-su: tó 1-pō·-hūn tú-tio̍h khùn-lân? Gún èng-kai ū-hoat-tō· pang lí kái-koat. A-giâu 04:52, 3 2g 2005 (UTC)

==An-chng soeh-bêng lóng-sī Eng-gí, góa khòaⁿ-bô--lah(phái-sè, ha̍k-seng sî-tāi khiàm jīn-chin ), tio̍h tán góa ê hāu-seⁿ tńg--lâi chiah kiò i chng.Lah-jih 09:19, 3 2g 2005 (UTC)

A-kun--a ū siá 1 phiⁿ soat-bêng an-chng ê pō·-sò·, góa bô ki-hōe tòe leh chhau-chok, m̄-koh èng-kai bē bái. Siau lāu-su nā ū-êng ē-sái chhì khoàⁿ-māi. A-giâu 09:58, 3 2g 2005 (UTC)

Chin hoaⁿ-hí tī chia khòaⁿ-tio̍h Siau lāu-su. Chin pháiⁿ-sè góa bô siá hó-tha̍k ê Keyman sòe-bêng. Iōng Keyman ū būn-tê chhiáⁿ chīn-liōng the̍h chhut-lâi kóng, góa ē siông-sè hôe-tap. Pektiong 14:04, 3 2g 2005 (UTC)

To-siā ta̍k-ke chiah-ni̍h jia̍t-chêng, kan-nā hoah-hiu chi̍t-siaⁿ, to̍h sio-cheⁿ oá-lâi kā goá tàu-kha-chhiú, A-giâu hiaⁿ kà goá khì A-kun--ê hia o̍h, taⁿ í-keng ē-hiáu tiàm chit-ê keh-á ti̍t-chiap phah-jī lò, eng-kai iáu ū chin-chē tio̍h chai-iáⁿ ê pō·-sò· tio̍h o̍h, tán-thāi khah se̍k-chhiú chiah lâi siá chit-koá mi̍h-kiāⁿ, to-siā ta̍k-ke, ló·-la̍t.Lah-jih 15:35, 3 2g 2005 (UTC)

1 pō· 1 kha-ìn, chia̍h kín lòng-phòa oáⁿ. (Góa ê sio̍k-gí thêng-tō· kàu-chia ûi-chí, kín lâi khì pó·-si̍p....) Chiok Siau lāu-su hoaⁿ-hí ha̍k-si̍p, 1 ê kà 5-ê, 5-ê kà 10-ê. A-giâu 22:19, 3 2g 2005 (UTC)