拍開主題選單

Ji̍t-pún ê Chiàm-niá (Eng-gí: Occupation of Japan) sī Tē-jī-chhù Sè-kài Tāi-chiàn kiat-sok liáu-āu Tông-bêng-kok sè-le̍k sûi Chòe-ko Sū-lēng-koaⁿ Chiong-kun Douglas MacArthur niá-chhōa tùi Ji̍t-pún ê chiàm-niá khang-khòe. Chiàm-niá ê àm-hō-miâ kiò Operation Blacklist ("O͘-miâ-toaⁿ Hêng-tōng"). Chiàm-niá ê hêng-tōng tè-bé sī keng-kòe 1951 nî 9 goe̍h 8 ji̍t chhiam-tēng, 1952 nî 4 goe̍h 28 si̍t-si ê San Francisco Hô-pêng Tiâu-iok chóng-kiat, kî-tiong chú-iàu khoe-ho̍k liáu Liû-kiû Kûn-tó í-gōa ê Ji̍t-pún chú-khoân.