Koeh Tek-hoâi

Koeh Tek-hoâi (郭德懷) chhut-seⁿ tī 1896 nî tī Se Jawa, Bogor-chhī, sī Ìn-nî-Hôa-jîn chok-ka, Sam-kàu soan-kàu-su. Lāu-pē sī seng-lí-lâng. Sè-hàn ê kàu-io̍k iû-goân bē chheng-chhó, ū-khó-lêng bat tha̍k Hô-lân su-li̍p-ha̍k-hāu kah thoân-tōng-ha̍k-hāu (ēng Hok-kiàn-ōe ê ha̍k-hāu). Chū-sè-hàn hē-pit, gâu kóng Hô-lân-gí, Eng-gí, kap Má-lâi-gī. Tē-it chheh tī 1919 chhut-pán—ê, miâ-chò "Siâ-sîn" ("Allah yang Palsu"), i leh gê-sé tham-sim siā-hōe ê tāi-chì.

Koeh Tek-hoâi tùi chong-kàu-ha̍k kah Tiong-kok-thiat-ha̍k ū koan-sim. M̄-nā siáu-soat, i mā chhòng-chok ū-ê Tang-iûⁿ thiat-ha̍k chheh.

Hit-tong-sî, Koeh tek-hoâi tâu-su Sin-pò, chi̍t-ê Ìn-nî Hôa-jîn pò-siā. Koeh Tek-hoâi iā chham-ka Tiong-hôa Hōe-koán （THHK）, Ìn-nî Hôa-jîn ha̍k-su̍t-thoân-thé. Tiong-hôa-Hōe-koán teh chi-chhî Jû-ha̍k. Koeh Tek-hoâi iā gián-kiú Jû-ha̍k.

Ēng i-ê Jû-ha̍k kiàn-sek, i beh thó-lūn siā-hōe kap chèng-tī ê sū. Jû-ha̍k ê éng-hióng tī i-ê khah-chá bûn-chiuⁿ (1930 í-chêng) ē-tàng chhōe—tio̍h. In-ūi i-sī leh gián-kiú chong-kàu-ha̍k, i hoán-tùi Kiōng-sán-chú-gī, chàn-sêng Ìn-nî kok-ka chú-gī. Koeh Tek-hoâi kap i-ê pêng-iú kiàn-li̍p Sam-kàu-hōe tī 1934 nî. Lēng-gōa, i iā tī Pa-siâⁿ Hu̍t-kàu Siā-hōe (Batavia Budhhist Association) chò hōe-tiúⁿ. Ūi-tio̍h hap-it sam-kàu, Koeh Tek-hoâi tùi kok chong-kàu chhōe-tio̍h kāng-khoán ê tāi-chì.