Koeh Tiong-iū
Koeh Tiong-iū (1991 nî 5 goe̍h 10 li̍t chhut-sì), sī Tâi-oân cha-po͘ koa-chhiú, Tâi-lâm lâng. I chham-ka Bîn-sī ê chhiùⁿ-koa pí-sài chiat-bo̍k Bêng-ji̍t chi Chheⁿ Super Star, tī 2015 nî 11 goe̍h 7 li̍t tī Bán-chheⁿ-sài pó-chhî iu-sèng 10 koan, piàn-sêng koan-chú[1]; I mā ū chham-ka Má-lâi-se-a Choân-kiû Hoaⁿ-hí Lâi Khah-la 2016 tāi-sài. I chit-má sī gē-lîn kah hoat-phìⁿ koa-chhiú. Tī Bîn-sī Chong-gē Tāi Chi̍p-ha̍p lāi-té chò kò͘-tēng pan-té, pēng tī 2021 nî 12 goe̍h seng-chò Chú-chhî-lîn. In-ūi tī chiat-bo̍k ê iû-hì lāi tiāⁿ-tiāⁿ pá-koan sêng-kong lî-chhiáⁿ sūn-lī kòe-koan, hō͘ lâng hong-chò "Kòe-koan Ki-hāi."[2]
| 郭忠佑 | |
|---|---|
| Cha-po͘ koa-chhiú | |
| Lô-má-jī | Koeh Tiong-iū |
| Eng-bûn miâ | York Kuo |
| Chhiok-hō | Iông-kng lâm siaⁿ, Kòe-koan Ki-hāi, Iû-hì-ông |
| Kò͘-hiong |
 Tiong-hôa Bîn-kok |
| Chhut-sì |
1991 nî 5 goe̍h 10 ji̍t (33 hòe) Tâi-oânTâi-lâm Chhī |
| Chit-gia̍p | koa-chhiú、gē-jîn、ián-goân |
| Gí-giân | Kok-gí、Tâi-gí |
| Chhut-tō ji̍t-kî | 2016 nî |
| Chhut-tō-chok | Bêng-li̍t Saⁿ-siáu (明日三少) ha̍p-chi̍p "Goán" (《我們》) |
| Tāi-piáu-chok | "N̂g-kim Hòe-goe̍h" (《黃金歲月》) |
| Keng-kì kong-si |
Sî-tāi Chhòng-gē Hōng-hông Gē-lêng |
| Bāng-chām |
Koeh Tiong-iū Bīn-chheh bê-chiòng-ia̍h Koeh Tiong-iū Instagram |
Tī 2021 nî 11 goe̍h 27 kah 28 li̍t, Pó-kiat-siông Chi̍p-thoân kí-pān "CHAMPIONS" ián-chhiùⁿ-hōe, chham Koeh Têng-ûn, Tân Î-têng, Chan Úi-tiòng, Tō͘ Him-tiām, Lōa Hōe-lû, Chhòa Ka-chin, Phêⁿ Chèng, Hong Ngá-hiân kah Gân Léng-an chò-hóe ián-chhut. 2022 nî 1 goe̍h 22 li̍t, tī Tâi-pak CORNER MAX kí-pān thâu-chi̍t-tiûⁿ ê hún-si kìⁿ-bīn-hōe[3]. 2022 nî 3 goe̍h 11 kah 12 li̍t, Pó-kiat-siông Chi̍p-thoân kí-pān "Koa chi Hióng-iàn" ián-chhiùⁿ-hōe, chham Koeh Têng-ûn, Tō͘ Him-tiām, Hong Ngá-hiân kah Gân Léng-an chò-hóe ián-chhut.
- ↑ "再奮起 郭忠祐晉級選秀賽第十關". 民視新聞on Yahoo. 2015-11-07. Goân-pún bāng-ia̍h Pó-chûn tī 2018-12-19. 2018-12-19 khòaⁿ--ê.
- ↑ "郭忠祐剖白沒胡瓜：演藝之路混不下去". 中時電子報. 2019-08-01. Goân-pún bāng-ia̍h Pó-chûn tī 2019-08-02. 2019-12-13 khòaⁿ--ê.
- ↑ 吳孟倫 (2022-01-24). "老少通吃！5歲女孩喊「長大嫁給你」 郭忠祐暖心回應". 自由時報. goân-loē-iông tī 2022-04-17 hőng khó͘-pih. 2022-01-24 khòaⁿ--ê.