LXDE
LXDE, choân-miâ Lightweight X11 Desktop Environment (kheng--ê X11 toh-bīn khôan-kéng), sī chū-iû nńg-thé--ê toh-bīn khôan-kéng (桌面環境), thang tī Unix ia̍h-sī Linux, BSD téng kah POSIX sio-thong--ê pêⁿ-tâi (平台, platform) tōng-chok. Chú-iàu khai-hoat-chiá sī Tâi-oân ê khai-hòng gôan-bé (開放原碼, open source) thêng-sek siat-kè-su Âng Jīm-jū (洪任諭, PCMan), N̂g Kèng-kûn (黃敬群, jserv), Chîⁿ Hông-siông (錢逢祥, Fred Chien), kî-thaⁿ--ê sī Lâu Éng-chùn (劉穎駿, Paul Liu), Lí Kiān-chhiu (李健秋, Andrew Lee) téng.
 | |
 LXDE tī Ubuntu Linux 8.04 LTS téng ūn-choán | |
| Khai-hoat | LXDE Khai-hoat-thoân |
|---|---|
| Goân-chho͘ pán-pún | 2006 |
| Pán-pún-khò͘ | |
| OS | chē-pêng-tâi (濟平台, cross-platform) |
| Lūi-hêng | toh-bīn khôan-kéng |
| Siū-koân | GPL |
| Bāng-chām | http://lxde.org |
LXDE kè-oē bo̍k-tek sī thê-kiong sin--ê khin koh kín--ê toh-bīn khôan-kéng (桌面環境). Kap kong-lêng kiông tàn khah pûi--ê sio-pí, LXDE tāng si̍t-ēng koh kheng-liōng, chīn-la̍t kiám-chió ài khai--ê hē-thóng chu-gôan. Kah Linux kî-thaⁿ toh-bīn khoân-kéng bô kâng, pō͘-kiāⁿ (部件) sio-oá-sèng (dependency) chin kē, ta̍k ê pō͘-kiāⁿ thang to̍k-li̍p ūn-choán.
LXDE ēng Openbox chò ī-siat (預設) sī-thang kóan-lí-khì (視窗管理器, window manager).[1]
Ubuntu tī 8.10 pán kā LXDE khǹg tī thò-kiāⁿ-khò͘ (套件庫, repository), m̄-koh it-ti̍t sī ài ka-ki kéng ê thò-kiāⁿ. Kù LXDE chú-iāu khai-hoat-chiá PCMan kóng, í LXDE chò toh-bīn khôan-kéng--ê Ubuntu hun-ki pán pún-té kè-oē tī 2009 nî 10 goe̍h khai-sí chèng-sek hoat-hêng,[2] m̄-koh tī Ubuntu 10.04 (2010 nî) chiah hoat-hêng.
Pō͘-kiāⁿ siu-kái
LXDE kè-oē ū chia--ê to̍k-li̍p pō͘-kiāⁿ:[1][3]：
- GPicView: Sûn--ê tô͘-phìⁿ liû-lám-khì. Nā Windows XP ī-chng (預裝)--ê.
- GtkNetCat: netcat ê tô͘-hêng kài-bīn chêng-toan (圖形介面前端, GUI frontend).
- LXappearance: Tiâu LXDE ê ba̍k-si̍t (目實), jī-hêng, pò͘-kéng chú-tê (theme).
- LXMusic: XMMS2 lâi--ê im-ga̍k hòng-sàng têng-sek.
- LXLauncher: tê-kióng kah EeePC ī-chng--ê têng-sek soán-toaⁿ sio-siâng, m̄-koh khah kiông ê kài-bīn.
- LXNM: iú/bô-soàⁿ bāng-lō͘ koán-lí têng-sek.
- LXRandR: Kán-tan--ê êng-bō͘ siat-tēng ke-si.
- LXpanel：LXDE--ê kang-kū-lia̍t (工具列).
- LXsession-lite: chò-gia̍p kai-toāⁿ (作業階段) koán-lí-khì, lxsession ê kheng-hoà (輕化) pán.
- LXSession Edit: pian teng-ji̍p sî chù-tōng khui--ê têng-sek ê ke-si.
- LXShortcut：pian chia̍t-kèng (捷徑, shortcut)--ê kang-kū.
- LXtask: kam-sī hē-tióng chu-goân kah khang-khoè--ê koán-lí-khì.
- LXTerminal：hāu-lêng-hó͘--ê tiong-toan-ki (終端機) têng-sek.
- PCManFM: khin--ê tóng-ān kap toh-bīn koán-lí têng-sek.
Ē-kha ê m̄-sī LXDE kè-oē khai-hoat--ê, m̄-koh hō͘ LXDE ēng:
- Leafpad: khin--ê bûn-jī pian-chip-khì (文字編輯器, text editor).
- Openbox: khin koh kong-lêng kiông--ê sī-thang koán-lí-khì.
- XArchiver: ap-siok-tóng (壓縮檔) koán-lí-khì.
Ēng LXDE--ê Linux hoat-hêng-pán siu-kái
Í-hā sī úi khai-sí tio̍h ēng LXDE--ê Linux hoat-hêng-pán (發行版, distribution)[4]：
- Greenie: Tùi Ubuntu kái--ê hoat-hêng-pán, choan thè Slovakia kap Chia̍t-khek (捷克) lâng sè-kè.
- Hiweed Linux: Tùi Ubuntu lâi--ê Tiong-bûn hoat-hêng-pán.
- Linux Mint ê LXDE hoat-hêng-pán.
- Myah OS 3.0 Box edition：ēng LXDE--ê Myah OS hoat-hêng-pán.
- Parted Magic: Koah ngē-tia̍p (硬碟) ēng--ê Live hē-thóng.
- PUD GNU/Linux: Tùi Ubuntu lâi--ê Live CD.
- Slitaz: Chiâⁿ kheng--ê Live CD, toā-poàⁿ--ê LXDE pō͘-kiāⁿ lóng iōng.
- TinyMe: PCLinuxOS lâi--ê kheng-liōng hoat-hêng-pán, ēng pō͘-hūn LXDE pō͘-kiāⁿ.
- U-lite: tī Ubuntu Base téng chng--ê pō͘-kiāⁿ chó-hap.
- VectorLinux Lite: VectorLinux ê khin-pán.
- Lubuntu: Ēng LXDE chò ū-tēng toh-bīn khoân-kéng--ê Ubuntu hun-ki, thâu-pán tī 2009 nî 10 go̍eh pàng--chhut.
Thò-kiāⁿ-khò͘ ū siu LXDE--ê hoat-hêng-pán:
LXDE ê tô͘ siu-kái
-
LXDE Picture Viewer -
LXappearance -
LXpanel -
Siat-tēng LXpanel -
LXtask -
PCManFM -
PCManFM -
Panel tasks chū-tōng pó͘-jī (補字)
Chù-kái siu-kái
- ↑ 1.0 1.1 LXDE chèng-sek báng-chām ê LXDE kài-siāu Archived 2008-12-31 at the Wayback Machine.
- ↑ http://www.ubuntu-tw.org/modules/newbb/viewtopic.php?topic_id=16099&forum=33&post_id=82439#forumpost82439 Archived 2019-02-07 at the Wayback Machine.
- ↑ SourceForge téng--ê LXDE kè-oē bāng-chām
- ↑ LXDE bāng-chām kì--ê Linux hoat-hêng-pán Archived 2020-10-28 at the Wayback Machine. (Koaⁿ-oē)
- ↑ "LXDE in Arch's AUR". Arch Linux. 2008-12-10 khòaⁿ--ê.
- ↑ "Details of package lxde in lenny". Debian Project. 2008-10-13 khòaⁿ--ê.
- ↑ "Features/LXDE". Fedora Project. 2008-10-31. 2008-11-08 khòaⁿ--ê.
- ↑ Gentoo Foundation (2008). "Gentoo LXDE Project". 2008-11-29 khòaⁿ--ê.
- ↑ "gOS 3.0 goes Gadget crazy". DesktopLinux.com. 2008-10-20 khòaⁿ--ê.
- ↑ "Mandriva 2009 tour".
- ↑ LXDE Wiki (2008). "Ubuntu". 2008-12-03 khòaⁿ--ê. Unknown parameter
|month=ignored (|date=suggested) (help) - ↑ "openSUSE 11.3 Release Notes "LXDE—a New Desktop Environment"".