Let It Go (Disney koa)
Let It Go sī Walt Disney Tōng-ōe Kang-chok-sek 2013 nî tōng-ōe tiān-iáⁿ Frozen lāi-bīn ê koa, Tōa-lio̍k hoan-e̍k Sûi I pa (隨它吧), Tâi-oân hoan-e̍k Hòng-khui Chhiú (放開手), Hiong-káng hoan-e̍k Peng-sim-só (冰心鎖), iû Kristen Anderson-Lopez kap Robert Lopez chok-khek kap chok-sû. Chit chhiú koa iû Bí-kok cha-bó͘ ián-ôan kap koa-chhiú Idina Menzel tam-jīm iáⁿ-phìⁿ tiong kak-sek Elsa ê phòe-im í-ki̍p chhiùⁿ. Chit chhiú koa tī Elsa Lú-ông lâi-khì i ê ông-kok liáu-āu, tan-to̍k chi̍t lâng tī peng-thiⁿ seh-tē ê sè-kài--lí khai-sí chhòng-chō i ê sin ông-kok sî só͘ chhiùⁿ. Koa tông-sî pió-hiān Elsa Lú-ông liáu-kái ka-kī bô-koh ài ín-chông ka-kī ê lêng-la̍t, jî ē-táng tiông-sin khai-sí chū-iû sái-iōng chit ê lêng-la̍t. Jî tī Frozen kò͘-sū ê khí-goân tē Lo̍k-ui, chit koa ê Lo̍k-ui-gí pán koa-miâ sī La Den Gå (Soah--khì).
Chit koa êng-hēng tit-tio̍h Tē 86 kài Oscar Chióng chòe-ka goân-chhòng koa-khek Chióng. Pau-koat í Eng-gí chhiùⁿ ê goân-pán tī lāi, kiōng 43 chéng gí-giân[1], 51 chéng pán-pún[2] liû-thoân. In-ūi Ji̍t-pún sī Frozen hái-goā siōng-kài bē-chō kok-ka, Let It Go mā chiū-án-ne teng Tē 65 hôe NHK Hông-Pe̍k Koa-ha̍p-chiàn koa[3][4].
Chit chhiú koa kàu 2016 nî 9 go̍eh ûi-chí, tī iáⁿ-phìⁿ hun-hióng bāng-chām YouTube tiám-kek-lu̍t 8-ek 6-chhian-bān thóng[5].
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |