Liāu Bûn-gē

Liāu Bûn-gē (hàn-jī: 廖文毅), pún-miâ Liāu Un-gī (hàn-jī: 廖溫義), 1910 nî, 3 go̍eh 22 tī Tâi-oân ê Sai-lê chhut-sì, 1985 nî, 5 goe̍h 17 ji̍t kòe-sin. I sī chiàn-āu Tâi-oân to̍k-li̍p ūn-tōng chá-kî ê léng-tō-chiá chi it.

Liāu Bûn-gī ê siòng-phìⁿ (1956 nî)

Liāu chhut-sì tī Hûn-lîm Sai-lê ê chi̍t-ê Ki-tok-kàu ka-thêng. I ê cha-po·-chó· Liāu Teng (hàn-jī: 廖丁) sī Hok-kiàn Chiang-chiu ê Kheh-lâng, tī Khong-hi boa̍t-kî khì kàu Tâi-oân. In ê ka-chok sè-tāi tòa Hûn-lîm, Jī-lûn tēng-ki. In a-kong hit-tāi khai-sí hòng Ki-tok-kàu. In-ūi i ê hū-chhin chiâⁿ chò tōa tē-chú, Liāu Bûn-gē kap i ê hiaⁿ-tī chí-mōe ū ki-hōe siū ko-téng kàu-io̍k.