N̂g Chia̍p

N̂g Chia̍p (黃捷); 1993 nî 1 goe̍h 19 ji̍t chhut-sì  sī Tâi-oân ê chi̍t ūi chèng-tī jîn-bu̍t, Sî-tāi Le̍k-liōng tóng-che̍k. Ko-hiông-chhī Hōng-soaⁿ-khu chhut-sin, hiān-jīm Ko-hiông-chhī Gī-hōe tē 3 jīm gī-oân. N̂g Chia̍p 18 hòe ùi Ko-hiông Lú-tiong pit-gia̍p liáu-āu khì Tâi-oân Tāi-ha̍k tha̍k-chheh. 22 hòe chhú-tit kong-kiōng ōe-seng-ha̍k kap siā-hōe-ha̍k siang chú-siu ha̍k-ūi. Tāi-ha̍k pit-gia̍p liáu-āu khó tiâu Tâi-tāi Kong-ōe Gián-kiù-só͘, tha̍k bô gōa kú jīn-ûi ha̍k-hāu chu-goân put-chiok lâi pān-lí hiu-ha̍k. Tē-it pái hiu-ha̍k ê sî, soán-te̍k chò kì-chiá lâi koan-chhat siā-hōe, chòe-āu soán-te̍k ka-ji̍p Sî-tāi Le̍k-liōng tam-jīm Li̍p-hoat-īⁿ tóng-thoân chō͘-lí. Tē-jī pái hiu-ha̍k ê sî, soán-te̍k tńg-khì Hōng-soaⁿ-khu chham-soán tē-saⁿ kài Ko-hiông-chhī gī-oân.

N̂g Chia̍p