Ngē-chúi
Ngē-chúi (硬水) sī hâm-iú ko-lông-tō͘ khòng-bu̍t-chit ê chúi, iû-kî sī ko-lông-tō͘ ê calcium kap magnesium. Ngē-chúi tùi jîn-thé bô-hāi, tān-sī ē tùi kang-gia̍p chō-sêng būn-tê. Kang-gia̍p-kài ūi-tio̍h beh pī-bián khòng-bu̍t-chit tī oe-lô͘, léng-khiok-thah ia̍h-sī kî-thaⁿ chhú-lí chúi ê siat-si tiong lâi tîm-té pēng sán-seng chúi-sian tì-sú kò͘-chiong, só͘-í ē tiāⁿ-tiāⁿ kám-chhek chúi ê ngē-tō͘. Tī ji̍t-siông seng-oa̍h tiong, ngē-chúi ē chō-sêng sap-bûn kap khí-ko bô-hoat-tō͘ tī chúi tiong khí-pho. It-poaⁿ lâi kóng, ngē-tō͘ pí 8 khah-koân ê chúi chiū hō-chò ngē-chúi.