Ono Mamori

Ono Mamori (小野真盛; 1884 nî 10 goe̍h 2 ji̍t – 1965 nî 12 goe̍h 12 ji̍t), pit-miâ Ono Seisyu (小野西洲), sī Tâi-oân ê hoat-īⁿ thong-e̍k kiam chok-ka. I sī Ji̍t-pún Oita-koān chhut-sin--ê, 1910 nî kòe Tâi-oân, pat chò kòe Tâi-tiong, Tâi-pak, kap Tâi-lâm tē-hng Hoat-īⁿ ê thong-e̍k; mā pat tī Hôa-lâm Gîn-hâng kap Tâi-oân Gîn-hâng chò chiok-thok (嘱託, lîm-sî kò͘-oân), chham Kéng-chhat-koaⁿ Su-ga̍k-koaⁿ Liān-si̍p-só͘ ê káng-su, tè-bé koh chò Ko-téng Hoat-īⁿ ê thong-e̍k.

Tû-liáu pún-gia̍p í-gōa, i ia̍h ū koa-si, siáu-soat, sûi-pit, phêng-lūn ê chok-phín hoat-piáu, kap bûn-su ê hoan-e̍k, kiam Tâi-gí ê ha̍p-si̍p kàu-châi téng chhòng-chok, koh sī gí-ha̍k cha̍p-chì Gí-oán ê chú-iàu pian-chi̍p.

Chham-chiàu

• 楊承淑 (2014). "譯者的角色與知識生產：以臺灣日治時期法院通譯小野西洲為例". 編譯論叢 (ēng Hôa-gí). 國家教育研究院. 7 (1). 
• "小野眞盛". 臺灣紳士名鑑. 新高新報社. 1937.