Pó͘-chhiú

Pó͘-chhiú (Eng-gí: Catcher; sok-siá tāi-bé: C; kì-lo̍k tāi-bé: 2), koh hō-chò khià-tsì （キャッチ）, sī iá-kiû ia̍h-sī lúi-kiû pí-sài tong-tiong ê kiû-oân chi-it, hū-chek chiap-pó͘ tâu-chhiú tâu-kiû kah pún-lúi hù-kīn ê kek-kiû, hông-chí cháu-lúi-oân ê thau-lúi, mā ài tìn-siú pún-lúi chó͘-chí tùi-hong kiû-oân tit-hun, koh ài chí-tō tâu-chhiú phòe-kiû kah chí-hui kiû-tiôⁿ lāi-té siú-pī kiû-oân ê ūi-tì, ū "kiû-tiôⁿ lāi ê kàu-liān" ê chheng-ho͘. In-ūi thoân-kiû hong-hiòng ê koan-hē, pó͘-chhiú tōa-pō͘-hūn lóng-sī chiàⁿ-chhiú-á.

Chi̍t-ê chún-pī beh chiap kiû ê pó͘-chhiú. (Tô͘ lāi-té ê pó͘-chhiú sī Tiong-hôa Chit-pāng pó͘-chhiú Ko Chì-kong)

An-choân Hông-hō͘

Chhēng oân-chéng chong-pī ê pó͘-chhiú. (Tô͘ lāi-té sī Ko Chì-kong)

In-ūi pó͘-chhiú ài chiap-pó͘ tâu-chhiú tâu-chhut ê koân-kàu 130 kong-lí í-siōng ê kiû, sīm-chì sī chhiau-kòe 150 kong-lí ê kiû, mā sù-siông ē hō͘ thûi-á-chhiú phah chhut ê kiû phah tio̍h, koh ài bīn-tùi tùi-hong kiû-oân ūi-tio̍h an-choân tit-hun só͘ hoat-seng ê sio-lòng, só͘-í pó͘-chhiú sī só͘-ū siú-pī ūi-tì lāi-té chong-pī siōng-chē, pó-hō͘ siōng oân-siān ê. Pó͘-chhiú leh siú-pī ê sî, thâu ē kòa bīn-phè, heng-chêng, kha-thâu-u, kha-āu-tó͘, kha-ba̍k kah kái-piⁿ mā lóng ē chhēng hō͘-kū, pó͘-chhiú ê chhiú-thò mā sī só͘-ū chhiú-thò lāi-té siōng kāu--ê.

Táⁿ-kek Lêng-le̍k

It-poaⁿ lâi kóng, pó͘-chhiú siōng tiōng-iàu ê sī siú-pī, phòe-kiû kah chí-hui kiû-tūi ê lêng-le̍k, jî-chhiáⁿ kui-tiôⁿ pí-sài lóng-ài iōng khû ê hong-sek lâi siú-pī, chiâⁿ bô-sóng-khoài, só͘-í táⁿ-kek lêng-le̍k it-poaⁿ khah bái, cháu-lúi sok-tō͘ thong-siông mā khah-bān. M̄-koh kīn-nî-lâi siú-pī, phòe-kiû, chí-hui kah táⁿ-kek lêng-le̍k lóng bē-bái ê pó͘-chhiú mā bē-chió, tio̍h sī "kong-kek-hêng pó͘-chhiú", chhiōⁿ Tiong-hôa Chit-pāng Lo̍k-thian Thô-oân ê Lîm Hông-io̍k.

Gōa-pō͘ Liân-kiat

Tâi-oân Pāng-kiû Wiki-koán：捕手(Hàn-gí)

Che sī chi̍t phiⁿ kap iá-kiû siong-koan ê phí-á-kiáⁿ. Chhiáⁿ tàu khok-chhiong.