Pang-chān:馬關條約

日語个條約，展示佇日本外務省外交史料館

《馬關條約》（日語：馬関条約、英語：Treaty of Shimonoseki ），閣號做《下關條約》（日語：下関条約）、《清日講和條約》（日語：日清講和条約）或者《中日講和條約》，是大清帝國佮大日本帝國佇1895年4月17號（大清光緒二十一年三月二十三號；大日本帝國明治二十八年四月十七號）簽訂个條約。

這个條約正式宣告甲午戰爭个結束，嘛予大清帝國共福建臺灣省（含澎湖）佮遼寧省南部个遼東半島割予大日本帝國；臺灣著對遮開始50冬个日本時代。𫝛 (siâng)時，大清帝國宣布欲放棄對朝鮮幾百冬个宗主國地位，予日本會使佇幾若冬以後共朝鮮佔去。遼東半島因為露西亞、德國佮法國介入著無割出去矣。