Paternoster liû-lông

Paternoster ("goán ê pē"; "Óa-im: "pá-toh-nó-suh-toh"") sī chi̍t khoán liû-lông, mā sǹg sī te̍k-sû siat-kè ê chi̍t chióng seng-kàng-ki, i hâm chi̍t cho͘ liân chò-hóe ê khai-hòng chhia-siuⁿ, bān-sok tńg se̍h hō͘ kî-tiong chi̍t pêng sī hiòng téng-bîn cháu, se̍h kàu siāng koân tiám chiah tó tńg--lo̍h-lâi, kàu siāng ē-té chia̍h koh se̍h hiòng téng-bīn, jî-chhiá ūn-chok tang-tiong bē thêng--lo̍h-lâi tán lâng, ēng-chiá tán kàu ūi to̍h sûi-sî ài chhut-ji̍p chhia-siuⁿ.

Berlin Tek-kok Châi-chèng-pō͘ ê 1 cho͘ paternoster.

Pún khoán liû-lông tī Au-chiu khah phó͘-phiàn, chóng-sī khó-lū an-chông-sèng, chi̍t kóa kok-ka kìm-chí lâng koh sin siat Paternoster liû-lông.

Le̍k-sú

Eng-kok ê Peter Ellis tī 1868 nî ùi Liverpool ê lâu-á-chhù Oriel Chambers an-chong ê liû-lông ē-sài sǹg sī chit koán. Kàu 1877, Peter Hart tit tio̍h thâu 1 hūn paternoster ê choan-lī.

"Paternoster" chit-ê miâ sī Chú ê Kî-tó-bûn ê Latin-gí thâu 2 jī. Hō chit-ê miâ sī in-ūi i seⁿ chò ná chhiūⁿ kî-tó teh ēng ê liām-chu.