Pe̍h-ōe-jī ê jī-bó

Pe̍h-ōe-jī ê jī-bó ū 17 ê ki-pún ê lô-má-jī, 5 ê jī-têng-im-jī, 1 ê sam-têng-im-jī, í-ki̍p 24 ê piàn-im-jī. Pe̍h-ōe-jī-bûn kàu-taⁿ sī só͘-ū Bân-lâm-gí lô-má-hòa hong-àn tiong siāng iu-sè koh sú-iōng siāng kóng-hoàn ê bûn-su hē-thóng. Í Pe̍h-ōe-jī chò-ûi su-bīn chài-thé ê chok-phín phiàn-ki̍p chong-kàu, gí-giân, kàu-io̍k, pò-chóa, cha̍p-chì, bûn-ha̍k, sò͘-ha̍k, i-ha̍k, io̍h-ha̍k, siā-hōe phêng-lūn í-ki̍p pek-kho-choân-su téng léng-he̍k, sī Bân-lâm-gí bûn-hiàn tiong sú-iōng-tō͘ siāng-koân koh siāng ū tāi-piáu-sèng ê sêng-se̍k bûn-jī hē-thóng.