Sèng-kàu Ji̍p-chhoan-kì

Sèng-kàu Ji̍p-chhoan-kì (聖教入川記) sī chi̍t hūn tùi Bêng-tiâu bóe-kî kàu Chheng-tiâu chhe-kî tī Sù-chhoan oa̍h-tāng ê Thian-chú-kàu-hōe chāi-tē kì-lio̍k, lāi-bīn siá liáu kàu-hōe thoân-kàu, kàu-tô͘ chōng-hóng, kap kî-tha chong-kàu ê koan-hē, koh ū tong-sî Tiuⁿ Hiàn-tiong (張獻忠) ji̍p Sù-chhoan liáu-āu ê kì-su̍t.

Pún chheh chu-liāu ê goân kì-lio̍k-chiá sī Phû-tô-gâ thoân-kàu-sū Lodovico Buglio kap Gabriel de Magalhães, pau-koat Buglio tī 1651 nî ēng Phû-tô-gâ-gí só͘ siá ê Tiuⁿ Hiàn-tiong Kì (Relação das tyranias obradas por Canghien Chungo famoso ladrão da China em o anno de 1651^[1] "Koan-hē 1651 nî Tiong-kok chai-miâ ê thó͘-húi Tiuⁿ Hiàn-tiong chi po̍k-hêng"). Ji̍p-chhoan-kì pún-sin, sī 20 sè-kí ê sî Hoat-kok-lâng François Marie Joseph Gourdon chiàu Buglio kap Magalhães ê chu-liāu siá chò Hàn-bûn chhut-pán--ê.

Chham-chiàu

陳學霖 (2011). "傳教士對張獻忠據蜀稱王的記載：《聖教入川記》的宗教與文化觀點" (PDF). 中國文化研究所學報 (ēng Hôa-gí).

↑ Henri Cordier (1878). Bibliotheca Sinica. Dictionnaire bibliographique des ouvrages relatifs à l'Empire chinois (ēng Hoat-gí). p. 280.

Siong-koan

Tiuⁿ Hiàn-tiong Tô͘-sio̍k (屠蜀)

Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia.

[1] Henri Cordier (1878). Bibliotheca Sinica. Dictionnaire bibliographique des ouvrages relatifs à l'Empire chinois (ēng Hoat-gí). p. 280.

[1]