Sòng Kàu-jîn
Sòng Kàu-jîn (宋教仁; 1882 nî 4 goe̍h 5 ji̍t – 1913 nî 3 goe̍h 22 ji̍t), piáu-jī Tūn-chho͘ (鈍初), hō Gû-hū (漁父). Tī Tiong-kok Ô͘-lâm-séng Thô-goân-koān chhut-sì. I sī Tiong-kok kīn-tāi bîn-chú kek-bēng-ka, Tiong-hoâ Bîn-kok chho͘-kî tē-it ūi chhiòng-tō chek-jīm lōe-koh-chè ê chèng-tī-ka. Sòng Kàu-jîn bat tam-jīm kòe Hôa-heng-hōe kap Tông-bêng-hōe ê chú-iàu léng-tō, Tiong-hôa Bîn-kok lîm-sî chèng-hú Tn̂g Siāu-gî lōe-koh ê Lông-lîm-pō͘ chóng-tiúⁿ, mā-sī Kok-bîn-tóng ê chú-iàu tiû-kiàn-jîn. I sī Ji̍t-pún Hoat-chèng Tāi-ha̍k kap Waseda Tāi-ha̍k ê liû-ha̍k-seng. 1913 nî 3 goe̍h 20 hō, sî-jīm Kok-bîn-tóng tāi-lí lí-sū-tiúⁿ ê Sòng Kàu-jîn tī Siōng-hái Hóe-chhia-chām cho-gū chhèng-kek, 2-kang āu bô-i sin-bông, kòe-sin ê sî-chūn chiah 31 hòe.
