Siáu-bí Kho-ki

Siáu-bí Kho-ki (小米科技) sī Tiong-kok chi̍t-keng hêng-tōng thong-sìn chiong-toan chong-tì gián-chè kap nńg-thé khai-hoat ê khì-gia̍p, tī 2010 nî 4 goe̍h 6 hō sêng-li̍p. Siáu-bí ê piau-chì sī chi̍t-ê MI ê tô͘-hêng; che sī Mobile Internet ê siok-siá, tāi-piáu Siáu-bí sī chi̍t-keng soá-tāng ê bāng-chè bāng-lō͘ kong-si. MI ê lēng-gōa chi̍t-ê hâm-gī sī mission impossible, ì-sù sī "oân-sêng bōe-ēng oân-sêng ê jīm-bū". Nā-chún kā piau-chì péng-pêng, hêng-chōng chhin-chhiūⁿ Hàn-jī ê sim (心), ì-sù sī "ūi iōng-hō͘ séng chi̍t-kóa-á sim".

2010 nî, Siáu-bí oân-sêng A lûn iông-chu 4100-bān Bí-kim, pēng tī chhú-āu iâⁿ-lâi chē-chē lûn iông-chu. 2011 nî, hoat-piáu tē-it khoán sán-phín "Siáu-bí Chhiú-ki". 2015 nî Siáu-bí chiâⁿ-chò Tiong-kok chiân-saⁿ-tōa tì-hūi-hêng chhiú-ki chhiúⁿ-siong kap choân-kiû siāng-tōa tì-hūi-hêng chhiú-ki chhiúⁿ-siong chit-it.