Siú-lí-siâⁿ

Siú-lí-siâⁿ (首里城) sī tī Liû-kiû Kûn-tó Okinawa Tó Naha-chhī tang-pō͘ ê chi̍t chō Liû-kiû siâⁿ-pó. Tī 13 sè-kí bóe-kî kàu 14 sè-kí tiong-kan kiàn-chō, ùi 15 sè-kí kàu 19 sè-kí lóng sī Liû-kiû-kok ê to͘-siâⁿ kap ông-kiong só͘-chāi-tē, kàu-taⁿ ū 500 gōa tang ê le̍k-sú. Tī kong-goân 2000 nî ê sî-chūn chiâⁿ-chò Liân-ha̍p-kok ê sè-kài ûi-sán. 2019 nî 10 goe̍h 31 hō pòaⁿ-mê 2 tiám 40 hun chó-iū hoat-seng tōa-hóe, pau-hâm chiàⁿ-tiān, pak-tiān kap lâm-tiān téng 7 tòng kiàn-tio̍k-bu̍t pī sio-tiāu.