Sim-chōng-pēⁿ

Sim-chōng-pēⁿ (Eng-gí: heart disease) sī ē khì éng-hióng tio̍h sim-chōng ê chin chē chióng pēⁿ ê chóng-chheng. Khah chia̍p khoàⁿ tio̍h ê sim-chōng-pēⁿ pau-hâm:

• Hì-sèng sim-chōng-pēⁿ (cor pulmonale), hì ū būn-tê chō-chiâⁿ chiàⁿ-sim sit-khì kong-lêng.
• Iām-sim-pēⁿ (inflammatory heart disease), sim-chōng ê kin-bah ia̍h piⁿ--á ê cho͘-chit hoat-iām.
• Khiàm-hoeh-sèng sim-chōng-pēⁿ (ischaemic heart disease), sim-chōng thê-kiong hō͘ khì-koan ê hoeh bô kàu gia̍h.
• Ko-hoeh-ap sim-chōng-pēⁿ (hypertensive heart disease), ko-hoeh-ap chō-chiâⁿ ê sim-chōng-pēⁿ, te̍k-pia̍t sī khu-he̍k-sèng (localised) ê ko-hoeh-ap.
• Koè-sim-pēⁿ (coronary heart disease), iû-chit chek tī tōng-me̍h ê piah-téng, chō-chiâⁿ tōng-me̍h ngē-hoà (atheroma).
• Piān-sim-pēⁿ (valvular heart disease), éng-hióng tio̍h chēng-bō-piān ia̍h saⁿ-chiam-piān ê sim-chōng-pēⁿ.
• Sian-thian-sèng sim-chōng-pēⁿ (hereditary heart disease), ûi-thoân chō-chiâⁿ ê sim-chōng-pēⁿ, hoān-sè sī kiat-kò͘ ū būn-tê, hoān-sè sī kong-lêng ū būn-tê.
• Sim-hoeh-kńg-pēⁿ (cardiovascular disease), chin chē chióng ē éng-hióng tio̍h sim-chōng ê pēⁿ ê chóng-chheng, chhin-chhiūⁿ thn̂g-jiō-pēⁿ, téng-téng.