Sin-tiâu-liû-hē
Sin-tiâu-liû-hē (新潮流系) sī Bîn-chìn-tóng tóng-lāi ê chi̍t-ê pâng-thâu phài-hē, kán-chheng Sin-hē (新系). Sin-tiâu-liû chá-kî chú-tiuⁿ siā-hōe bîn-chú chú-gī, thôan-kiat-tio̍h lô-kang kah siā-hōe ūn-tōng ê thôan-thé, siūⁿ-beh lâi éng-hióng chèng-chhek ê chè-tēng kah si̍t-hêng. In mā si̍t-hêng "kûn-chiòng lō͘-sòaⁿ", tí-chè iòng-iú kong-bū-ôan sin-hūn ê chèng-tī jîn-bu̍t tùi tóng-gōa sè-le̍k ia̍h-sī Bîn-chìn-tóng ê léng-tō kah éng-hióng. Sin-tiâu-liû chū-chheng sī "tó-lāi" ê Tâi-ôan to̍k-li̍p ūn-tōng-chiá (hām hái-gōa ê Tâi-to̍k sè-le̍k chò khu-pia̍t), thui-tōng Tâi-to̍k tóng-kang ê chè-tēng. O͘-miâ-toaⁿ kái-kìm liáu-āu, Sin-tiâu-liû chiām-chiām chham hái-gōa ê Tâi-to̍k sè-le̍k sêng-li̍p ha̍p-chok-ê koan-hē.[1][2] 2006 nî, Bîn-chìn-tóng koat-gī kái-sàn phài-hē liáu-āu, Sin-tiâu-liû chóan-hêng chiâⁿ-chòe tì-khò͘.
Sin-tiâu-liû-hē sī iû Lī Kím-siông, Gô͘ Nái-jîn kah Lîm Cho̍k-súi kiōng-tông chhòng-li̍p--ê.[3] Sin-tiâu-liû si̍t-hêng chi̍p-thé léng-tō, in-ê léng-tō-chiá hō-chòe "chèng-hia̍p", kiōng-tông tiàu-khai "chèng-hia̍p hōe-gī". Gân Bān-chìn, Kán Siah-kai, Âng Kî-chhiong, Gô͘ Nái-jîn kah Niû Bûn-kia̍t téng-jîn lóng bat tam-jīm kòe "chèng-hia̍p úi-gôan" ê chit-bū. Kun-kù Liāu Éng-lâi ê kóng-hoat, Sin-tiâu-liû-hē ê chèng-hia̍p úi-gôan sī iû tóng-gôan tāi-piáu sóan-chhut, lóng-chóng 11 lâng, jīm-kî 1 nî, ē-sái liân-jīm. Sin-tiâu-liû-hē ta̍k lé-pài tiàu-khai chi̍t-pái koat-chhek hōe-gī.[4]
Le̍k-sú siu-kái
Chhòng-li̍p siu-kái
1983 nî 9 go̍eh 9 ji̍t, Tóng-gōa phian-chip chok-ka liân-gī-hōe (黨外編輯聯誼會) chèng-sek sêng-li̍p, kán-chheng Tóng-gōa phian-liân-hōe (黨外編聯會), sī Sin-tiâu-liû-hē ê chiân-sin cho͘-chit. Jiân-āu, Phian-liân-hōe liam-mi hoat-tōng "Phoe-khng ūn-tōng" (批康運動), phoe-phòaⁿ Khng Lêng-siông. Sòa-lo̍h-lâi, in koh hoat-khí "Ke-thò͘ būn-tê" (雞兔問題), siang-kha kah sì-kha hun-pia̍t sī chheng-khì kah lah-sap-ê tóng-gōa ê kong-bū jîn-gôan.
1987 nî, Sin-tiâu-liû-hē chèng-sek chhòng-li̍p. Chú-iàu iû í-chá tī Sin-tiâu-liû Cha̍p-chì (新潮流雜誌) jîn-bu̍t lâi chhōa-niá, hō-chòe "Si̍p-pat hui-eng" (十八飛鷹); hun-pia̍t sī Khu Gī-jîn, Gô͘ Nái-jîn, Gô͘ Nái-tek, Âng Kî-chhiong, Lîm Cho̍k-súi, Lâu Siú-sêng, Hō Toan-han, Siā Sú-lóng, Kán Siah-kai, Tiân Chhiu-kín, Gūi Têng-io̍k, Tân Hông-sêng, Iûⁿ Phek-chhoan, Iû Hông, Siā Éng-chheng, N̂g Chiau-khái, Tân Bú-chìn kah Lâu Hong-siông téng-téng 18 lâng, lēng-gōa iáu-ū āu-lâi lī-khui ê Tân Bûn-chhiàn. Sin-tiâu-liû-hē chá-kî chú-iàu chú-tiuⁿ Tâi-ôan to̍k-li̍p, kûn-chiòng ūn-tōng kah siā-hōe bîn-chú téng-téng chèng-tī lí-liām.
Sêng-tióng siu-kái
Kái-sàn siu-kái
Chham-khó siu-kái
- ↑ 朱顯龍 (1991-02). "「台獨聯盟」遷台對台灣政局的影響". 《海峽評論》第2期（1991年2月號）.
- ↑ 今日新聞網2001/6/13，<<張燦鍙與市議員林易煌將結盟？政壇不看好>> ，[1]
- ↑ 陳東豪 (2008-01-17). "新潮流辦公室錯愕 邱義仁從05年後全不準" (ēng Hôa-gí). 《今周刊》.
- ↑ 鄧木卿 (2013-03-19). "廖永來剖析民進黨新潮流 應該好好反思". 中評社.
Gōa-pō͘ siu-kái
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |