Tâi-oân jîn-thé seng-bu̍t chu-liāu-khò͘
Tâi-uân jîn-thé sing-bu̍t tsu-liāu-khòo (hân-gú: 臺灣人體生物資料庫; ing-gú: Taiwan Biobank) sī Tiong-hua bîn-kok Tiong-iong gián-kiù-īnn kî-hā ê tsi̍t-hāng tuā-hîng sing-bu̍t i-ha̍k kè-uē; tsū 2003-nî 8-gue̍h khai-sí phîng-kóo khó-hîng-sìng, 2012年-nî khai-sí king-iû uē-sing-sú (āu--lâi sing-keh uî ue-sing hok-lī-pōo) hi̍k-huat siat-tì hí-khó, tsìng-sik khai-si siu-àn. Kè-uē ū-kî í 12-nî ê kî-kan, soo-tsi̍p 20-bān miâ kiān-khong tsham-ú-tsiá í-ki̍p10-bān miâ huān-tsiá ê "sing-bu̍t kiám-thé" kah "kiān-khong tsu-sìn", kiàn-tì sio̍k-ú Tâi-uân ê jîn-thé sing-bu̍t tsu-liāu-khòo, theh-kiong ha̍k-tsiá sin-tshíng sú-iōng. Tsia̍t-tsí 2022-nî 10-gue̍h té uî-tsí, í-king soo-tsi̍p tshiau-kuè 18-bān lâng ê tsu-liāu.[1]
| Content | |
|---|---|
| Organisms | Lâng |
| Release date | 2012-nî 10-gue̍h 24 |
| Access | |
| Website | Tâiuân singbu̍t-khòo |
| Miscellaneous | |
| License | Jîn-thé sing-bu̍t tsu-liāu-khòo kuán-lí tiâu-lē |
Kè-uē tsìn-tián
siu-káiTiong-iong gián-kiù-īnn tī 於-2003-nî khai-sí tsìn-hîng "kiàn-li̍p Tâi-uân lâng tsit-pīnn kah ki-in tsu-liāu-khòo" ê khó-lîng-sìng, tī 2004-nî uân-sîng pò-kò. Uì 2005-nî khai-sí tsip-hîng ki-in tsu-liāu-khòo tsip-hîng ki-in tsu-liāu-khòo sian-khu gián-kiù kè-uē, 2006-nî 8-gue̍h soo-tsi̍p1000-miâ kò-àn ê tsu-liāu soo-tsi̍p. 2008-nî 12-gue̍h khai-sí, soo-tsi̍p 8000-miâ kò-àn ê tsu-liāu tsìn-hîng gián-kiù. Tī 2012-nî 1-gue̍h, Tâi-uân jîn-thé sing-bu̍t tsu-liāu-khòo tsìng-sik sîng-li̍p, khai-sí king-iû uē-sing-sú (āu--lâi sing-kik tsò ue-sing hok-li-pōo) hi̍k-huat siat-tì hí-khó, Tsū 10-gue̍h khai-sí siu-àn. Tī 2018-nî 6-gue̍h í-king soo-tsi̍p 10-bān miâ bîn-tsiòng ê tsu-liāu, 2021-nî 8-gue̍h í-king soo-tsi̍p 15-bān miâ bîn-tsiòng ê tsu-liāu[1], sòo-kì-liōng ta̍t-tio̍h 1.5PB[2]. Teh tsit-ê kî-kan, tiong-gián-īnn thuân-tuī mā kàu kok-tē siat-tì tsū-tiám-tsām hi̍k-tsiá suan-to kè-uē, ka-sok tsu-liāu soo-tsi̍p pīng-tshiánn kóo-lē bîn-tsiòng tsham-ú[3][4][5], iû-î teh kè-uē tsá-kî, bîn-kantuì î-thuân, ki-in tíng-tíng kuan-liām koh bô kóng tsiânn si̍k-sāi, in-tshú tsit-ê kè-uē ê tē-1 suànn jîn-guân pat hông gōo-jīn tsò tsà-phiàn tsi̍p-thuân.[2] Soo-tsi̍p kàu ê kiám-thé ē king-kuè hun-tsong, pōo-hūn tû-tsûn, pōo-hūn sàng-kiám, kiám-giāmpau-kuat ki-pún kiám-giām, thiu-tshú DNA, tsìn-hîng ki-in tīng-sū.[2]
Kè-uē bo̍k-piau
siu-káiKè-uēū-kî í 12-nî kî-kan (tsì 2024-nî), soo-tsi̍p 20-bān miâ kiān-khong tsham-ú-tsiá í-ki̍p 10-bān miâ huān-tsiá ê sing-bu̍t kiám-thé, sing-ua̍h hîng-thài, khuân-kíng tsu-sìn, khiān-khong tsōng-hóng; pīng-tshiánn tsìn-hîng tngk-i tui-tsong, luí-tsik kah king-sin[5], muí 2 tsì 4 nî ē tsú-tōng tui-tsong tsham-ú-tsiá ê sin-thé piàn-huà. Tsik-tshú kiàn-tì sio̍k-ú Tâi-uân ê jîn-thé sing-bu̍t tsu-liāu-khòo, theh-kiong bîn-kan ha̍k-tsiá sin-tshíng sú-iōng, ka-sok sing-i sán-gia̍p huat-tián, ta̍t-tio̍h kái-siān i-liâu tsiàu-kòo ê guân-kíng.[1][6]
Kè-uē sîng-kó
siu-káiTsia̍t-tsí 2021-nî uî-tsí, tsu-liāu-khòo í-king the̍h-kiong sòo-kì hōo tshiau-kuè 180-ê gián-kiù àn, hông sú-iōng teh tshiau-kuè 200-phian gián-kiù lūn-bûn tang-tiong, Luí-tsik tshiau-kuè 1-ik jîn-tshù ê tsu-liāu sik-tshut sú-iōng-liōng[7]. Kî-tiong pau-kuat tsi̍t-hāng tuā-hîng ê tiòng-hong gián-kiù; gián-kiù sú-iōng tshiau-kuè 250-bān miâ tsham-ú-tsiá ê DNA tsu-liāu.[8]
Tsù-kái
siu-kái- ↑ 1.0 1.1 1.2 "臺灣人體生物資料庫 官方網站" (ēng Hôa-gí). 臺灣人體生物資料庫 官方網站. 2022-11-17 khòaⁿ--ê. (Hàn-gí)
- ↑ 2.0 2.1 2.2 山謬 (2021-04-17). "「從一種藥人人吃，到人人吃適合自己的藥！」Taiwan Biobank 助攻臺灣精準醫療" (ēng Hôa-gí). 地球圖輯隊. 2022-11-17 khòaⁿ--ê. (Hàn-gí)
- ↑ 劉禹慶 (2015-09-24). "臺灣人體生物資料庫 離島首站進駐三總" (ēng Hôa-gí). 自由時報. 2022-11-17 khòaⁿ--ê. (Hàn-gí)
- ↑ 許峻魁 (2020-08-16). "建置人體生物資料庫 中研院明後兩天宣導" (ēng Hôa-gí). 金門日報. 2022-11-17 khòaⁿ--ê. (Hàn-gí)}
- ↑ 5.0 5.1 "北慈生物資料庫平台揭牌 整合數據醫療更精進" (ēng Hôa-gí). 台北慈濟醫院. 2021-01-14. 2022-11-17 khòaⁿ--ê. (Hàn-gí)
- ↑ 邱書昱 (2022-10-26). "走訪臺灣人體生物資料庫寶庫 逾17萬人參與 健康大數據待點石成金" (ēng Hôa-gí). 聯合報. 2022-11-17 khòaⁿ--ê. (Hàn-gí)
- ↑ 林茂榮 (2021-02-03). "中央研究院攜演譯基金會 打造精準健康國家隊" (ēng Hôa-gí). 蕃薯藤. 2022-11-17 khòaⁿ--ê. (Hàn-gí)
- ↑ "中山醫大團隊參與國際中風基因研究 重大突破登上《Nature》期刊" (ēng Hôa-gí). ETtoday新聞雲. 2022-10-14. 2022-11-17 khòaⁿ--ê. (Hàn-gí)
Tsham-ua̍t
siu-kái- Tsà-phiàn tsi̍p-thuân (Humbug)
- Kok-ka kip jîn-thé sing-bu̍t tsu-liāu-khòo tsíng-ha̍p pîng-tâi (National biobank consortium of Taiwan (NBCT))