Tân Ho̍k-chì

Tân Ho̍k-chì (陳復志; 1911 nî - 1947 nî) Sam-bîn-chú-gī Chheng-liân-thoân Ka-gī-hun-thoân chú-jīm. Khì Ka-gī Ki-tiûⁿ kóng-hô ê sî hōng lia̍h-khì, tī Ka-gī-chhī chhèng-sat.

Tân Ho̍k-chì, Ka-gī-chhī lâng, Ji̍t-pún ê Tāi-sêng Tiong-ha̍k chhut-giap āu, in-uī put-boán Ji̍t-pún thau cháu khì Tiong-kok, khó ji̍p khì Pó-teng Kun-hāu Kang-peng-kho. Tiong-Ji̍t chiàn-cheng chò káu tiong-hāu hù-thoân-tiúⁿ. Chiàn āu poàⁿ-soaⁿ--á Lí Iú-pang (李友邦) phài i lâi chò Sam-bîn-chu-gī Chheng-liân-thoân Ka-gī-hun-thoân chu-jīm. I lóng sī í Tiong-kok kek-bēng kun-jîn lâi chu-chheng, lóng sī chhēng Tiong-kok kun-ho̍k.

Jī-jī-pat Sū-kiāⁿ hoat-seng liáu-āu, Ka-gī sêng-li̍p Ka-gī Sam-jī chhú-lí Uî-goân-hoē kap Ka-gī Hông-uī Su-lēng-pō͘, i hōng thui-sak chò chu-jīm-uî-goân kiam su-lēng. M̄-ko nn̄g kang liáu-āu i chiū bì-khì--lâi bô ko chhut-bīn. Kho-lêng sī hō͘ lâng kóng sī poàⁿ-soaⁿ--á, bô sek-ha̍p koh chò-loh--khì.

Ka-gī Chuí-siōng Ki-tiûⁿ kóng-hô ê sī, i hōng kiò khì chò tāi-piáu. 12 ê lâng khì hōng lia̍h khì 9 ê, i chiū án-ne lâi hi-seng.