Têng-pì-lio̍k
Têng-pì-lio̍k (hàn. 懲毖錄; gān. 징비록) sī chi̍t pún Tiâu-sián Poàn-tó ê le̍k-sú-chheh, iû Tiâu-sián ông-tiâu ê koaⁿ-oân Liú Sêng-liông ēng hàn-bûn siá--ê, lōe-iông choan-bûn teh kì-su̍t Tiâu-sián Jîm-sîn Ōe-kok Chiàn-cheng, pēng kiám-thó Tiâu-sián tī chiàn-sū tiong só͘ tit-tio̍h ê kà-sī. Liú Sêng-liông pún-lâng bat chham-ú kòe hit pái ê chiàn-sū, tī Têng-pì-lio̍k lāi-bīn hôe-ek hit-tang-chūn ê keng-le̍k, koh siu-lio̍k chi̍t-kóa chiàn-sî ê bûn-su tóng-àn, só͘-í chit-pún chheh sī iú-koan Tiâu-sián Jîm-sîn Ōe-kok Chiàn-cheng kap Tiong-Tiâu-Ji̍t koan-hē-sú ê tiōng-iàu chham-khó chheh.
