Tōng-le̍k-ha̍k

Tōng-le̍k-ha̍k (動力學; Eng: dynamics) sī kó͘-tián le̍k-ha̍k ê chi̍t mn̂g hun-iá; chú-iàu sī teh gián-kiù ūn-tōng ê piàn-hòa kap chō-sêng chia-ê piàn-hòa ê kok-chióng in-sò͘. Oāⁿ-kù-ōe-kóng, tōng-le̍k-ha̍k gián-kiù le̍k tùi bu̍t-thé ūn-tōng só͘ chō-sêng ê éng-hióng. Ūn-tōng-ha̍k chí-sī tan-sûn biâu-su̍t bu̍t-thé ê ūn-tōng, oân-choân bô khó-lū tio̍h tì-sú ūn-tōng ê in-sò͘. Koh-khah chim-chiok lâi kóng, tōng-le̍k-ha̍k gián-kiù in-ūi le̍k ê chok-iōng, bu̍t-lí hē-thóng ē án-choáⁿ kái-piàn.

Tōng-le̍k-ha̍k ê ki-chho͘ hoat-chek sī Isaac Newton thê-chhut ê Newton ūn-tōng hoat-chek. Tī kó͘-tián tiān-chû-ha̍k lāi, bu̍t-lí hē-thóng ê tōng-le̍k chōng-hóng khan-liân tio̍h kó͘-tián le̍k-ha̍k kap tiān-chû-ha̍k, tû-liáu Newton ūn-tōng hoat-chek, iáu-koh su-iàu Maxwell ê hong-têng-sek kap Lorentz le̍k hong-têng-sek ê biâu-su̍t.

Tōng-le̍k-ha̍k sī ki-hāi kang-ha̍k kap hâng-khong kang-ha̍k ê ki-chhó͘ khò-têng.